మెగాస్టార్ చిరంజీవికి అక్కినేని నాగార్జున ఆహ్వానం
cinema | Suryaa Desk | Published : Fri, Oct 25, 2024, 01:04 PM
అగ్ర కథానాయకుడు చిరంజీవిని హీరో నాగార్జున కలిశారు. త్వరలో జరగనున్న ఏయన్నార్‌ అవార్డుల కార్యక్రమానికి ప్రత్యేకంగా ఆహ్వానించారు.ఈ ఫొటోలను నాగార్జున తన సోషల్‌ మీడియాలో పంచుకున్నారు. 'ఈ ఏడాది నాకెంతో ప్రత్యేకమైనది. నాన్నగారి శతజయంతి వేడుకలకు చిరంజీవి, అమితాబ్‌ బచ్చన్‌ రానున్నారు. దీంతో ఈ వేడుక మరింత ప్రత్యేకం కానుంది. ఈ శతజయంతి వేడుకను మరుపురానిదిగా చేద్దాం' అని పేర్కొన్నారు. 2024కు గాను ఏయన్నార్‌ జాతీయ అవార్డు ను చిరంజీవికి ఇవ్వనున్నట్టు నాగార్జున (Nagarjuna) గతంలోనే ప్రకటించిన సంగతి తెలిసిందే. అక్టోబరు 28న ఈ పురస్కారం ప్రదానం చేయనున్నారు. ఆ వేడుకకు బాలీవుడ్ నటుడు అమితాబ్‌ బచ్చన్‌ ముఖ్యఅతిథిగా హాజరుకానున్నారు. ప్రస్తుతం నాగార్జున పంచుకున్న ఫొటోలు వైరల్‌గా మారాయి. ఇద్దరు అగ్రహీరోలను ఒకే ఫ్రేమ్‌లో చూసేసరికి అభిమానులు ఖుష్ అవుతున్నారు.రాజమౌళి కూడా టచ్‌ చేయని జానర్‌.. అల్లు అర్జున్‌-త్రివిక్రమ్‌ మూవీపై నిర్మాత కామెంట్స్‌ ఇక వీరి సినిమాల విషయానికొస్తే.. చిరంజీవి 'విశ్వంభర' చకచకా ముస్తాబవుతోంది. ఆయన కథానాయకుడిగా వశిష్ఠ దర్శకత్వంలో రూపొందుతున్న చిత్రమిది. త్రిష, ఆషికా రంగనాథ్‌ కథానాయికలు. కునాల్‌కపూర్‌ కీలక పాత్రలో నటిస్తున్నారు. ఇందులో చిరంజీవి హనుమాన్‌ భక్తుడిగా కనిపించనున్నారు. నాగార్జున 'కుబేర'లో నటిస్తున్నారు. ధనుష్‌ ప్రధాన పాత్రలో శేఖర్‌ కమ్ముల తెరకెక్కిస్తోన్న చిత్రమిది. రష్మిక, జిమ్‌ సర్భ్‌ తదితరులు ప్రధాన పాత్రల్లో నటిస్తున్న ఈ సినిమాకు దేవిశ్రీ ప్రసాద్‌ సంగీతం అందించనున్నారు.
|
|