‘బ్లడీ బెగ్గర్‌’.. తెలుగు ట్రైలర్‌ వచ్చేసింది
cinema | Suryaa Desk | Published : Tue, Nov 05, 2024, 10:37 AM
కవిన్‌ ప్రధాన పాత్రలో దర్శకుడు శివబాలన్‌ ముత్తుకుమార్‌ తెరకెక్కించిన చిత్రం ‘బ్లడీ బెగ్గర్‌’. దీపావళి సందర్భంగా తమిళ్‌లో విడుదలైన ఈ సినిమా ఈ నెల 7న తెలుగు ప్రేక్షకుల ముందుకు రానుంది. కోలీవుడ్‌లో సక్సెస్‌ఫుల్‌ కథానాయకుడిగా కొనసాగుతున్న యువ నటులలో కవిన్‌ ఒకరు. ఈయన డాడా, స్టార్‌ చిత్రాలతో మంచి విజయాలను అందుకున్నారు. తాజాగా ఆయన నటించిన చిత్రం బ్లడీ బెగ్గర్‌ భారీ విజయాన్ని అందుకుంది. ఈ చిత్రం ద్వారా శివబాలన్‌ ముత్తుకుమార్‌ దర్శకుడిగా పరిచయం అయ్యారు. తన మొదటి సినిమాతోనే సూపర్‌ హిట్‌ కొట్టి సత్తా చాటారు. ఈయన గతంలో బీస్ట్‌, జైలర్‌ చిత్రాల దర్శకుడు నెల్సన్‌కు మెచ్చిన శిష్యుడు. దీంతో తన శిష్యుడిని దర్శకుడిగా పరిచయం చేస్తూ నెల్సన్‌నే నిర్మాతగా మారి ఫిలమెంట్‌ పిక్చర్స్‌ పతాకంపై ఈ చిత్రాన్ని నిర్మించడం విశేషం.కోలీవుడ్‌లో విడుదలైన బ్లడీ బెగ్గర్‌ సినిమాకు మంచి రివ్యూలే ఎక్కువగా వచ్చాయి. విరమర్శకుల నుంచి సైతం ప్రశంసలు ఈ మూవీకి అందాయి. ముఖ్యంగా హీరో కవిన్‌ నటనకు ప్రేక్షకులు ఫిదా అయ్యారు. ఈ విషయం సోషల్‌మీడియాలో వైరల్‌ కావడంతో తెలుగు ప్రేక్షకులు కూడా సినిమా కోసం ఎదురుచూస్తున్నారు.
|
|