సమంత, వరుణ్ డ్యాన్స్ వీడియో

సమంత మైమరచిపోయి డ్యాన్స్ చేసింది. తన సిటడెల్: హనీ బన్నీ వెబ్ సిరీస్ కోస్టార్ వరుణ్ ధావన్ తో కలిసి చెలరేగిపోయింది. ఈ సిరీస్ ప్రైమ్ వీడియోలో సక్సెస్ కావడంతో టీమ్ ఓ పార్టీ ఏర్పాటు చేసింది.ఇందులో వరుణ్ ధావన్ నెక్ట్స్ మూవీ బేబీ జాన్ మూవీలోని నైన్ మటక్కా సాంగ్ పై ఈ ఇద్దరూ డ్యాన్స్ చేశారు.
సిటడెల్: హనీ బన్నీ వెబ్ సిరీస్ సక్సెస్ పార్టీ గురువారం (నవంబర్ 28) రాత్రి ముంబైలో ఘనంగా జరిగింది. ఈ ఈవెంట్ కు సమంత, వరుణ్ ధావన్ తోపాటు డైరెక్టర్లు రాజ్ అండ్ డీకే, వరుణ్ భార్య, నటి వామికా గబ్బి, నటాషా దలాల్, మృణాల్ ఠాకూర్ లాంటి వాళ్లు కూడా వచ్చారు. ఈ సందర్భంగా టీమ్ అంతా కలిసి సక్సెస్ పార్టీని బాగా ఎంజాయ్ చేసింది.
అయితే ఈ సందర్భంగా సమంత, వరుణ్ డ్యాన్స్ ప్రత్యేక ఆకర్షణగా నిలిచింది. డిసెంబర్ 25న రిలీజ్ కానున్న బేబీ జాన్ మూవీలో నైన్ మటక్కా సాంగ్ లోని హుక్ స్టెప్ ను వరుణ్ వేయగా.. సమంత అతన్ని ఫాలో అయింది. సామ్ తొలిసారి ఈ పాటపై డ్యాన్స్ చేసినా.. అదరగొట్టేసింది. ఈ ఈవెంట్ కు సమంత సింపుల్ గా ఓ బీజ్ కలర్ టాప్, బ్లాక్ ట్రౌజర్లో వచ్చింది.

సమంత, వరుణ్ ధావన్ డ్యాన్స్ వీడియో వైరల్ కావడంతో ఫ్యాన్స్ రియాక్ట్ అయ్యారు. ఈ ఇద్దరినీ లీడ్ రోల్స్ గా పెట్టి ఓ సినిమా తీయాలంటూ ఓ అభిమాని కామెంట్ చేశారు. ఇద్దరూ సిటడెల్ వెబ్ సిరీస్ లో నటించినా కలిసి డ్యాన్స్ చేస్తే చూసే ఛాన్స్ రాలేదని, ఇప్పుడది నెరవేరిందని మరొకరు అనడం విశేషం. ఓ రొమాంటిక్ సినిమాకు వీళ్లు పర్ఫెక్ట్ గా సరిపోతారని ఇంకొకరు అన్నారు.వరుణ్ ధావన్, కీర్తి సురేష్ కలిసి బేబీ జాన్ మూవీలో నటిస్తున్న విషయం తెలిసిందే. ఈ మూవీ డిసెంబర్ 25న ప్రేక్షకుల ముందుకు రానుంది. ఈ సినిమాలోని నైన్ మటక్కా సాంగ్ ఇప్పుడు టాప్ ట్రెండింగ్ సాంగ్స్ లో ఒకటి. ఈ పాటను దిల్జిత్ దొసాంజ్, దీక్షితా వెంకటేషన్ పాడారు. కాళీశ్వరన్ ఈ బేబీ జాన్ మూవీని డైరెక్ట్ చేశాడు. వామికా గబ్బి, జాకీ ష్రాఫ్, రాజ్‌పాల్ యాదవ్ లాంటి వాళ్లు ముఖ్యమైన పాత్రలు పోషించారు.

ఇక సిటడెల్: హనీ బన్నీ వెబ్ సిరీస్ విషయానికి వస్తే.. నవంబర్ 7 నుంచి ఈ సిరీస్ ప్రైమ్ వీడియోలో స్ట్రీమింగ్ అవుతోంది. రాజ్ అండ్ డీకే డైరెక్ట్ చేసిన ఈ వెబ్ సిరీస్ కు ప్రేక్షకుల నుంచి మంచి రెస్పాన్స్ వస్తోంది. ముఖ్యంగా ఇందులోని యాక్షన్ సీక్వెన్స్ కు ఫిదా అవుతున్నారు.