|
|
by Suryaa Desk | Mon, Nov 25, 2024, 12:02 PM
గ్లోబల్ స్టార్ రామ్ చరణ్, దర్శకుడు బుచ్చిబాబు కాంబినేషన్‌లో ‘RC16’ అనే వర్కింగ్ టైటిల్‌తో సినిమా తెరకెక్కనుంది. ఇందులో జాన్వీ కపూర్ హీరోయిన్‌గా నటిస్తోంది. కాగా, ఈ మూవీ షూటింగ్ రేపటి(నవంబర్ 25) నుంచి ప్రారంభం కానుంది. ఇప్పటికే ఈ సినిమా షూటింగ్‌లో పాల్గొనేందుకు చరణ్ నేడు మైసూర్‌కి పయనం అయ్యారు. ప్రస్తుతం అందుకు సంబంధించిన ఫొటోస్ సోషల్‌మీడియాలో వైరల్‌గా మారాయి.బుచ్చిబాబు ప్రాజెక్ట్ కోసం రామ్ చరణ్ గడ్డం, జుట్టు పెంచేసిన సంగతి తెలిసిందే. అయ్యప్ప మాలలో ఉన్నా కూడా రామ్ చరణ్ ఈ ప్రాజెక్ట్ కోసం వర్కౌట్లు చేస్తున్నట్టుగానే ఉన్నాడు. ఇక తాజాగా లుక్ రివీల్ కాకుండా కాస్త జాగ్రత్త పడ్డాడు. మాస్క్ పెట్టుకోవడంతో రామ్ చరణ్ పూర్తి లుక్ బయటకు రాలేదు. కానీ గడ్డం, జుట్టు మాత్రం బాగానే పెంచాడని అర్థం అవుతోంది. ఈ క్రమంలో ఎయిర్ పోర్టులో దర్శనం ఇచ్చిన రామ్ చరణ్ ఫోటోలు నెట్టింట్లో వైరల్ అవుతున్నాయి.
Latest News