నలుగురి కంటే ఎక్కువ మంది తిరగొద్దు : సీఈఓ వికాస్ రాజ్

సార్వత్రిక ఎన్నికల సందర్భంగా తెలంగాణలో భారీ భద్రతా ఏర్పాట్లు చేస్తున్నట్టు సీఈఓ వికాస్ రాజ్ తెలిపారు. ఈనెల 13న ఎన్నికల సందర్భంగా సాయంత్రం 6 గంటల నుంచి 144 సెక్షన్ రాష్ట్రం అంతటా అమలు అవుతుందన్నారు.కేంద్రం నుంచి 160కంపెనీల సెక్యూరిటీ బలగాలు వస్తున్నాయని, వీరితోపాటు 72వేల మంది పోలీసులతో భద్రతా ఏర్పాట్లు చేస్తున్నట్టు చెప్పారు. ఈ సాయంత్రంతో ప్రచారపర్వం ముగుస్తుందని..144 సెక్షన్ అమల్లో ఉంటుందన్నారు. అంతేకాదు..జూన్ 1న సాయంత్రం వరకు ఎగ్జిట్ పోల్స్ పై నిషేధం ఉందన్నారు. ప్రైవేట్ సంస్థలు తప్పనిసరిగా సెలవు ఇవ్వాలని సూచించారు. నిబంధనలు పాటించకపోతే కఠిన చర్యలు తీసుకుంటామన్నారు. ఈ మేరకు వికాస్ రాజ్ శనివారం మీడియాతో మాట్లాడారు.

సీఈఓ వికాస్ రాజ్ మాట్లాడుతూ.. ఎలక్ట్రానిక్ మీడియాలో ఆరు గంటల నుంచి ఎలాంటి ప్రచారం చేయొద్దన్నారు. కొన్ని సంస్థలు మే 13వ తేదిన సెలవు ఇవ్వడం లేదని అని తెలుస్తోందని.. ఆరోజు సెలవు ఇవ్వకపోతే చర్యలు ఉంటాయని పేర్కొన్నారు.కళ్యాణ మండపాలు, కమ్యూనిటీ హాల్, హోటల్స్ లలో ఉన్న ఇతర జిల్లాల వ్యక్తులు అక్కడినుంచి వెళ్లిపోవాలని సూచించారు. రేపు, ఎల్లుండి పేపర్లలో ప్రకటనల కోసం ముందస్తు అనుమతి తీసుకోవాలన్నారు. 160 కేంద్ర కంపెనీల బలగాలు రాష్ట్రంలో ఇప్పటికే మొహరించాయని.. ఇతర రాష్ట్రాల నుంచి 20వేల మంది పోలీసులు వచ్చారన్నారు.

ప్రతీ పార్లమెంట్ సెగ్మెంట్లో రెండేసి బ్యాలెట్ యూనిట్లు ఉంటాయన్నారు. సికింద్రాబాద్ కంటోన్మెంట్ అసెంబ్లీ ఉప ఎన్నికలలో 232 పోలింగ్ కేంద్రాలు ఉన్నాయన్నారు.EVM తరలించే వాహనాలకు GPS ఉంటుందని.. సీఈఓ ఆఫీస్ మానిటరింగ్ చేస్తుందని తెలిపారు. 320 కోట్లను ఇప్పటి వరకు రాష్ట్ర వ్యాప్తంగా సీజ్ చేసినట్లు తెలిపారు. ఎన్నికల నోటిఫికేషన్ నాటి నుంచి 8600 FIR లు రాష్ట్ర వ్యాప్తంగా జరిగాయన్నారు.1లక్ష 90వేల మంది పోలింగ్ విధుల్లో సిబ్బంది డైరెక్ట్ గా పాల్గొంటున్నారని.. మొత్తం 3లక్షల మంది ఉన్నారని సీఈఓ తెలిపారు. వచ్చే 48 గంటల పాటు వచ్చే ఫిర్యాదులపై 100 నిమిషాల్లో చర్యలు ఉంటాయన్నారు. బల్క్ sms ఇవ్వాళ సాయంత్రం 6 గంటల నుంచి బంద్ చెయ్యాలన్నారు.1లక్ష 88 వేల పోస్టల్ బ్యాలెట్ ఓట్లు ఇప్పటి వరకు పోల్ అయ్యాయని సీఈఓ తెలిపారు. 21680 మంది ఓటర్లు హోం ఓటింగ్ వేసుకున్నారన్నారు. 1950 నంబర్ కి ECI స్పెస్ EPIC నంబర్ పెడితే ఓటర్ కు డిటైల్స్ వస్తాయని తెలిపారు.