డా.మౌమిత దేవ్ నాథ్ కి కొవ్వొత్తులతో ఘన నివాళులు
Telangana Telugu | Suryaa Desk | Published : Sun, Aug 18, 2024, 07:08 PM
కోహెడ మండల కేంద్రంలోని డాక్టర్ బి.ఆర్ అంబేద్కర్ విగ్రహం వద్ద గవ్వ కమలమ్మ చారిటబుల్ ట్రస్ట్ వ్యవస్థాపక అధ్యక్షులు గవ్వ వంశీధర్ రెడ్డి ఆధ్వర్యంలో డా.మౌమిత గారికి కొవ్వొత్తులతో ఘన నివాళులు అర్పించారు. ఈ సందర్భంగా పలువురు మాట్లాడుతూ ఆగస్టు 9న పశ్చిమబెంగాల్ రాష్ట్రం కలకత్తా నగరంలో ఆర్ జి కార్ మెడికల్ కళాశాలలో పాశవికంగా అత్యాచారం చేసి చంపడం దురదృష్టకరమని దేశంలో ఒక వైద్యురాలికే ఇలాంటి పరిస్థితి ఉంటే సామాన్యుల పరిస్థితి ఏమిటో అర్థం కావడంలేదని ఆవేదన వ్యక్తం చేశారు.
మౌమిత పై అత్యాచారం చేసి చంపిన వ్యక్తులను తక్షణమే ప్రజా కోర్టులో ఉరితీయాలని డిమాండ్ చేశారు. రోజురోజుకి దేశంలో ఆడపిల్లలపై అత్యాచారాలు దాడులు పెరుగుతున్నాయని వీటిని అరికట్టడానికి కేంద్ర ప్రభుత్వం ఇంకా కఠినమైన చట్టాలు తీసుకురావాలని కోరారు. ఈ కార్యక్రమంలో డాక్టర్ తిరుపతి రెడ్డి డా దయాకర్ ఆర్ఎంపి లు పలు పార్టీల నాయకులు సామాజిక కార్యకర్తలు కుల సంఘాల నాయకులు యువకులు తదితరులు పాల్గొన్నారు.
|
|