స్థానిక సంస్థల ఎన్నికల్లో పోటీకి సిద్దం
Telangana Telugu | Suryaa Desk | Published : Wed, Nov 06, 2024, 05:49 PM
త్వరలో జరగనున్న స్థానిక సంస్థల ఎన్నికల్లో పోటీ చేసేందుకు సిపిఐ సిద్దంగా ఉందని సిపిఐ రాష్ట్ర కౌన్సిల్ సభ్యుడు బట్టు దయానంద్ రెడ్డి పేర్కొన్నారు. మంగళవారం జగదేవపూర్ మండలంలో తిగుల్ గ్రామంలో సిపిఐ కార్యాలయంలో సిపిఐ ముఖ్య కార్యకర్తల సమావేశం నిర్వహించారు. ఈ సందర్భంగా ఆయన మాట్లాడుతూ రానున్న స్థానిక సంస్థల ఎన్నికల్లో సిపిఐ పార్టీ పోటీ చేస్తుందని తెలిపారు. పార్టి బలంగా ఉన్న గ్రామాల్లో సర్పంచ్ గా పోటీ చేసేందుకు సంసిద్ధంగా ఉన్నామని పేర్కొన్నారు.
గ్రామాల్లో ప్రజా సమస్యల పరిష్కారం కోసం ప్రత్యేక దృష్టి సారించామని తెలిపారు. తిగుల్ గ్రామంలో పదహారు అంశాలపై దృష్టి పెట్టినట్లు చెప్పారు. గ్రామంలో మహిళలు, యువత, వివిధ ప్రజా సంఘాలతో కలిసి గ్రామ సమస్యలపై త్వరలోనే చర్చ కార్యక్రమం చేపడుతామని తెలిపారు. సమావేశంలో పార్టీ మండల కార్యదర్శి నర్సింహరెడ్డి, గ్రామ కార్యదర్శి బిక్షపతి, సభ్యులు అనంతం తదితరులు పాల్గొన్నారు...
|
|