రన్నింగ్‌ స్కూటీలో నుంచి బుస్సుమంటూ బయటికొచ్చిన పాము.

సాధారణంగానే పాములంటే జనాలు గజగజా వణికిపోతుంటారు. అలాంటిది.. రన్నింగ్‌లో ఉన్న స్కూటీ నుంచి బుస్సు బుస్సుమంటూ బుసలు కొడుతూ ఒక్కసారిగా పాము బయటికి వస్తే.. అది కూడా హ్యాండిల్ దగ్గరి నుంచి వస్తే.. ఆ సమయంలో ఆ వాహనదారుని పరిస్థితి ఏంటీ..? అచ్చంగా అదే పరిస్థితి ఎదురైంది.. జోగులాంబ గద్వాల జిల్లాలోని ఓ వాహనదారునికి. సుమారు గంట పాటు శ్రమించి.. పామును బయటికి తీయగా.. అది కాస్త కట్లపాము అని తేలింది. దీంతో.. పెద్ద ప్రమాదమే తప్పినట్టయిందని అందరూ ఊపిరి పీల్చుకున్నారు.

స్కూటీలో పాటు

ఏదో పని మీద స్కూటీ తీసి రయ్యిమంటూ దూసుకెళ్తున్నాడు ఓ వాహనదారుడు. స్కూటీ రన్నింగ్‌లో ఉండగానే బుస్సు బుస్సుమని బుసలు కొడుతూ ఓ పాము బయటికి వచ్చింది. ఆ పామును చూసిన వాహనదారుడు.. బండి అక్కడే వదిలేసి.. గుండెలు చేతిలో పట్టుకుని పరుగో పరుగు. ఒళ్లు ఝలదరించే ఈ ఘటన.. జోగులాంబ గద్వాల జిల్లా కేంద్రంలో జరిగింది. సాధారణంగా.. పాములంటే చాలామంది భయపడుతుంటారు. పాములను దూరం నుంచి చూస్తేనే గజగజా వణిపోతుంటారు. అలాంటిది.. బండి నడుపుతుంటే.. రన్నింగ్‌లో ఉండగా.. ముందుభాగం నుంచి ఓ పాము సడెన్‌గా బయటికి వస్తే.. ఆ వాహనదారుని పరిస్థితి ఎలా ఉంటుంది.. అచ్చంగా అదే జరిగింది ఇక్కడ కూడా.

గద్వాల పట్టణం బీరెల్లి చౌరస్తా సమీపంలోని నోబుల్ స్కూల్ వద్ద ఓ స్కూటీని పార్క్ చేశారు. కాసేపటి తర్వాత స్కూటీ తీసి వెళ్తుండగా.. స్కూటీ ముందు బాగం నుంచి ఓ పాము ఒక్కసారిగా బయటకు వచ్చింది. ఉన్న స్కూటర్లో పాము దూరింది. ద్విచక్ర వాహనాన్ని యజమాని తీసుకుని ప్రయాణిస్తుండగా ఆ కట్ల పాము ఒక్కసారిగా బయటకు వచ్చింది. పామును గమనించిన యజమాని.. వెంటనే స్కూటీని పక్కకు ఆపేసి.. కాస్త దూరంగా పరుగెత్తాడు. అక్కడే ఉన్న స్థానికులకు ఈ విషయాన్ని తెలిపాడు.

దీంతో.. అక్కడే ఉన్న కొంత మంది ఆ పామును బయటికి తీసేందుకు ప్రయత్నించారు. జనాల అలికిడి విన్న పాము.. భయంతో బండి లోపలికి దూరిపోయింది. ఇక.. జనాలంతా కలిసి సుమారు గంట పాటు కష్టపడి.. స్కూటీ ముందు భాగాన్ని తొలగించారు. అప్పుడు.. పాము బయటపడింది. అయితే.. ఆ పాము కట్ల పాము అని.. పెద్ద ప్రమాదమే తప్పిందని.. ఒకవేళ అది కరిచి ఉంటే.. ప్రాణాలే పోతాయంటూ స్థానికులు చర్చించుకుంటున్నారు.

అయితే.. గతంలోనూ ఇలాంటి ఘటనలు చాలానే జరిగాయి. కానీ.. ఇలాంటివి వర్షా కాలంలో ఎక్కువగా జరుగుతుంటాయి. ప్రస్తుతం చలికాలమైనా విషసర్పాలు ఇలా బయటికి రావటం.. కాస్త అరుదు. అయినప్పటికీ.. తన స్కూటీలోకి పాము ఎలా దూరిందనేది వాహనదారునికి అర్థం కాలేదు.

ఈ ఘటనతో.. వాహనదారులు అప్రమత్తంగా ఉండాలని పలువురు సూచిస్తున్నారు. స్కూటీలపై చిన్న పిల్లల్ని స్కూళ్లకు తీసుకెళ్తుండటం, తీసుకొస్తుండటం చేస్తున్న నేపథ్యంలో.. పార్క్ చేసినప్పుడు, బండి తీస్తున్నప్పుడు జాగ్రత్తగా గమనించాలని సూచిస్తున్నారు. నిర్లక్ష్యంగా.. ఏమరపాటుతో ఉంటే.. ఇలాంటి షాకింగ్ ఘటనలు జరిగి.. పెద్ద పెద్ద ప్రమాదాలు జరిగే అవకాశం ఉందని హెచ్చరిస్తున్నారు.