జిల్లా స్థాయి బాల వైజ్ఞానిక ప్రదర్శనలో గాయత్రి విద్యానికేతన్ కి ప్రథమ స్థానం - రాష్ట్ర స్థాయికి ఎంపిక
Telangana Telugu | Suryaa Desk | Published : Sat, Dec 14, 2024, 03:45 PM
ఈ నెల 11 వ తేదీ నుండి 13 వరకు ఎన్టిపిసి లోని జిల్లా పరిషత్ హై స్కూల్ లో నిర్వహించిన జిల్లా స్థాయి బాల వైజ్ఞానిక ప్రదర్శనలో,జిల్లా స్థాయి ఇన్స్పైర్ అవార్డుల ప్రదర్శనలో పెద్దపల్లి పట్టణం లోని గాయత్రి విద్యానికేతన్ కి చెందిన 9 వ తరగతి విద్యార్థినిలు నూర్ ఫాతిమా,అమీమా తహరీమ్ లు వేస్ట్ మేనేజ్మెంట్ అనే అంశంలో భాగంగా ప్రొడ్యూసింగ్ ఎలక్ట్రిసిటీ ఫ్రమ్ వేస్ట్ మెటీరియల్ అనే ఉప అంశం పైన చేసిన ప్రయోగం జిల్లా స్థాయి ప్రథమ బహుమతి పొంది, రాష్ట్ర స్థాయి పోటీలకు ఎంపికైనట్లు గాయత్రి విద్యా సంస్థల ఛైర్మన్ అల్లెంకి శ్రీనివాస్ తెలిపారు.
ఈ ప్రదర్శనను పెద్దపల్లి జిల్లా కలెక్టర్ కోయా శ్రీ హర్ష మరియు పెద్దపల్లి జిల్లా విద్యాధికారి మాధవి సందర్శించారు. జిల్లా విద్యాధికారి మాధవి విద్యార్థినీలను అభినందించి వారికి జ్ఞాపిక ప్రదానం చేశారు. ఈ సందర్భంగా పాఠశాల కరస్పాండెంట్ రజనీ శ్రీనివాస్, ప్రిన్సిపాల్ విజయ్, గైడ్ టీచర్స్ సదానందం, శ్రీనివాస్, రజియుద్దీన్, ఉపాధ్యాయ బృందం విద్యార్థులను అభినందించారు.
|
|