బిగ్ బ్రేకింగ్ ... ఎమ్మెల్యే కౌశిక్ రెడ్డి కి బెయిల్ మంజూరు

కరీంనగర్ కలెక్టరేట్‌లో ఎమ్మెల్యే సంజయ్‌తో ఘర్షణ కేసులో బీఆర్‌ఎస్‌ ఎమ్మెల్యే కౌశిక్ రెడ్డి ని జూబ్లీహిల్స్‌ లో కరీంనగర్ పోలీసులు  అరెస్ట్‌ చేసిన సంగతి తెలిసిందే.ఈ క్రమంలోనే ఇవాళ ఉదయం కౌశిక్ రెడ్డిని పోలీసులు కరీంనగర్  రెండో అదనపు జ్యుడిషియల్ మెజిస్ట్రేట్ ఎదుట హాజరుపర్చారు. ఇరు పక్షాల వాదనలు విన్న న్యాయమూర్తి కౌశిక్ రెడ్డిపై నమోదైన రిమాండ్ రిపోర్ట్‌ ను కొట్టివేశారు. ఆయనపై నమోదైన మూడు కేసుల్లో బెయిల్ మంజూరు చేస్తూ తీర్పును వెలువరించారు. అదేవిధంగా కౌశిక్‌రెడ్డి  రూ.10 వేల చొప్పున మూడు, రూ.25 వేల చొప్పున రెండు పూచీకత్తులు ఇవ్వాలని మెజిస్ట్రేట్ ఆదేశాలు జారీ చేశారు.కాగా, కరీంనగర్‌ లో ఆదివారం జరిగిన ఓ సమీక్షా సమావేశంలో ఎమ్మెల్యే సంజయ్‌ తో పాడి కౌశిక్‌రెడ్డి  వాగ్వాదానికి దిగిన విషయం తెలిసిందే. మంత్రులు ఉత్తమ్‌ కుమార్‌ రెడ్డి , పొన్నం ప్రభాకర్‌ (Ponnam Prabhakar) తదితరుల సమక్షంలోనే సంజయ్‌ను నువ్వు ఏ పార్టీలో ఉన్నావంటూ కౌశిక్‌రెడ్డి నిలదీశారు. బీఆర్‌ఎస్‌ (BRS)లో గెలిచి కాంగ్రెస్‌ (Congress)లో చేరిన స్వార్థపరుడివి అంటూ ఆగ్రహం వ్యక్తం చేశారు. ఈ ఘటనకు సంబంధించి ఎమ్మెల్యే సంజయ్‌ (MLA Sanjay)పై దాడి చేశారంటూ ఆయన పీఏ (PA), సమావేశంలో గందరగోళం సృష్టించారంటూ స్థానిక ఆర్డీవో (RDO) కరీంనగర్‌ (Karimngar) వన్‌ టౌన్‌ పోలీసులకు ఫిర్యాదు చేశారు. దీంతో పోలీసులు ఎమ్మెల్యే కౌశిక్‌రెడ్డి (MLA Koushik Reddy)పై వివిధ సెక్షన్ల కింద మూడు కేసులు నమోదు చేశారు. అనంతరం ఆయనను సోమవారం సాయంత్రం జూబ్లీహిల్స్ (Jubilee Hills) పోలీస్ స్టేషన్‌లో అరెస్ట్ చేసి కరీనంగర్ త్రీ టౌన్ పోలీస్ స్టేషన్‌కు తరలించారు.