భారత రాజ్యాంగాన్ని రక్షించుకుంటాం
Telangana Telugu | Suryaa Desk | Published : Tue, Feb 11, 2025, 02:09 PM
భారత రాజ్యాంగాన్ని దుష్ట శక్తుల నుంచి రక్షించుకుంటామని రిటైర్డ్ డీఎస్పీ దామెర నర్సయ్య, అడ్వొకేట్ దండు మోహన్, మాజీ జేడీపీటీసీ ఓరెం సమ్మయ్య అన్నారు. డాక్టర్.బీఆర్ అంబేడ్కర్ విగ్రహ పరిరక్షణ సమితి వరంగల్ ఉమ్మడి జిల్లా కన్వీనర్ బండి అశోక్ అధ్యక్షతన హన్మకొండ పబ్లిక్ గార్డెన్ వద్ద గల అంబేడ్కర్ విగ్రహానికి జ్ఞాన మాలాంకరణ కార్యక్రమం ఆదివారం ఘనంగా నిర్వహించారు.ఈ కార్యక్రమంలో వారు మాట్లాడుతూ ప్రపంచంలోనే మహోన్నతమైన భిన్నత్వంలో ఏకత్వాన్ని ప్రదర్శించే భారత రాజ్యాంగాన్ని డాక్టర్ బీఆర్ అంబేడ్కర్ రూపొందించారన్నారు.
మనువాద, మతతత్వ మూకలు ఈ దేశ గొప్ప రాజ్యాంగాన్ని మార్చి మనుస్మృతిని అమలు చేయడానికీ కుట్రలు చేస్తున్నాయని మండిపడ్డారు. భారత రాజ్యాంగాన్ని కాపాడుకోకపోతే ఈ దేశ మూలవాసులైన ఎస్సీ, ఎస్టీ, బీసీ మైనారిటీలకు కల్పించిన హక్కులు హరించి వేస్తారని హెచ్చరించారు. ఈ కార్యక్రమంలో వివిధ సంఘాల నాయకులు పోతుల కొమ్మలు, శేషాద్రి నాగులు, సురాశి కృష్ణ, వంగేటి రాజమౌళి, జట్టి నర్సయ్య, అంకేశ్వరపు ఎల్లస్వామి, పప్పుల రమేష్, లింగారావు, సిద్ధార్థ్ తదితరులు పాల్గొన్నారు.
|
|