బీసీ సంఘాలు డిమాండ్ చేయకముందే రాహుల్ గాంధీ కులగణన చేస్తామని ప్రకటించారు : సీఎం రేవంత్ రెడ్డి
Telangana Telugu | Suryaa Desk | Published : Sat, Feb 22, 2025, 04:30 PM
ప్రజాభవన్లో బీసీ సంఘాల నేతలతో సీఎం రేవంత్ రెడ్డి భేటీ అయ్యారు. ఈ సందర్భంగా కీలక వ్యాఖ్యలు చేశారు. ఇది ఆషామాషీగా చేసిన సర్వే కాదని స్పష్టం చేశారు. ఈ సమావేశానికి డిప్యూటీ సీఎం భట్టి, టీపీసీసీ చీఫ్ మహేశ్, బీసీ ఎమ్మెల్యేలు, ఎమ్మెల్యీలు, నాయకులు హాజరయ్యారు.ఇచ్చిన మాట ప్రకారం రాష్ట్రంలో కులగణన నిర్వహించామని.. బలహీన వర్గాలకు కులగణన నివేదికే బైబిల్, భగవద్గీత, ఖురాన్.. అని ముఖ్యమంత్రి రేవంత్ రెడ్డి స్పష్టం చేశారు. కులగణన ఎక్స్రే లాంటిదని రాహుల్ గాంధీ ఆనాడే చెప్పారని గుర్తు చేశారు. అన్ని రంగాల్లో బీసీలకు సామాజిక న్యాయం జరగాలంటే.. కులగణన చేయాల్సిందేనని రాహుల్ గాంధీ స్పష్టం చేశారని రేవంత్ వివరించారు. తెలంగాణలో అధికారంలోకి రాగానే కులగణన చేసి తీరుతామని రాహుల్ గాంధీ భారత్ జోడో యాత్రలో మాట ఇచ్చారని.. గాంధీ కుటుంబం మాట ఇస్తే తప్పదని రేవంత్ వ్యాఖ్యానించారు.
|
|