బిలావల్ తల్లి బెనజీర్, తాత జుల్ఫికర్ అలీ భుట్టో హత్యలను గుర్తు చేసిన ఒవైసీ.

సింధు నది జలాల ఒప్పందంపై పాకిస్థాన్ పీపుల్స్ పార్టీ నేత బిలావల్ భుట్టో జర్దారీ చేసిన "రక్తం పారుతుంది" వ్యాఖ్యలపై ఎంఐఎం అధినేత, హైదరాబాద్ ఎంపీ అసదుద్దీన్ ఒవైసీ తీవ్రంగా స్పందించారు. బిలావల్ తన తల్లి, పాకిస్థాన్ మాజీ ప్రధాని బెనజీర్ భుట్టోను, అలాగే తాత, మాజీ అధ్యక్షుడు జుల్ఫికర్ అలీ భుట్టోను ఎవరు హత్య చేశారో తెలుసుకోవాలని ఒవైసీ చురకలంటించారు.పహల్గామ్ ఉగ్రదాడి నేపథ్యంలో సింధు జలాల ఒప్పందాన్ని నిలిపివేయాలన్న భారత ఆలోచనపై బిలావల్ భుట్టో తీవ్ర వ్యాఖ్యలు చేశారు. శుక్రవారం ఒక ర్యాలీలో మాట్లాడుతూ, "సింధు నది మాది, మాకే ఉంటుంది.దాని గుండా మా నీరు ప్రవహిస్తుంది, లేదా వారి రక్తం ప్రవహిస్తుంది" అని అన్నారు. ఈ వ్యాఖ్యలపై భారత్‌లో రాజకీయ పార్టీలకతీతంగా నేతల నుంచి తీవ్ర వ్యతిరేకత వ్యక్తమైంది.బిలావల్ వ్యాఖ్యలపై అడిగిన ప్రశ్నకు ఒవైసీ స్పందిస్తూ, "ఇలాంటి పిల్ల చేష్టల గురించి పట్టించుకోవద్దు. తన తాతకు, తల్లికి ఏమైందో ఆయనకు తెలియదాఆయన తల్లిని ఉగ్రవాదులే చంపేశారు. కనీసం దాని గురించి ఆలోచించైనా ఆయన ఇలా మాట్లాడకూడదు. అసలు తను ఏం మాట్లాడుతున్నాడో ఆయనకు తెలుసా అమెరికా ఏదైనా ఇస్తే తప్ప దేశాన్ని నడపలేని స్థితిలో ఉండి, మమ్మల్ని బెదిరించాలని చూస్తున్నార అని ప్రశ్నించారు."తన తల్లిని ఎవరు చంపారో ఆయన ఆలోచించుకోవాలి. తీవ్రవాదమే ఆమెను బలిగొంది. అదే ఆయనకు అర్థం కాకపోతే, ఇంకేం వివరిస్తాం మీ అమ్మను కాల్చి చంపితే అది తీవ్రవాదం, మా తల్లులను, కుమార్తెలను చంపితే కాద అని ఒవైసీ నిలదీశారు. అణుబాంబులతో భారత్‌ను బెదిరించే పాకిస్థానీ నేతలపైనా ఒవైసీ మండిపడ్డారు. "ఒక దేశంలోకి ప్రవేశించి అమాయకులను చంపితే ఏ దేశమూ మౌనంగా ఉండదని గుర్తుంచుకోండి. అధికారంలో ఎవరున్నా ఇది జరగదు. మీరు మా దేశంపై దాడి చేసిన తీరు, మతం అడిగి మరీ కాల్చి చంపిన విధానం చూస్తుంటే, మీరు ఏ మతం గురించి మాట్లాడుతున్నారు మీరు ఖవారీజ్‌ల ఇస్లాంలో తీవ్రవాద తెగ కన్నా అధ్వాన్నం. మీరు ఐసిస్ సానుభూతిపరులు" అని ఒవైసీ తీవ్ర వ్యాఖ్యలు చేశారు.కాగా, పాకిస్థాన్ మాజీ ప్రధాని బెనజీర్ భుట్టో 2007 డిసెంబర్ 30న రావల్పిండిలో జరిగిన ఒక బహిరంగ సభలో ఆత్మాహుతి దాడిలో హత్యకు గురయ్యారు. ఈ దాడి వెనుక అల్-ఖైదా, తాలిబన్ అనుబంధ సంస్థల హస్తం ఉన్నట్లు ఆరోపణలు వచ్చినా, కేసు ఇప్పటికీ అపరిష్కృతంగానే ఉంది