ఫోన్ నంబర్లు మార్చిన విద్యుత్ శాఖ సిబ్బంది,,,, కొత్త నంబర్లు ఇవే

వేసవి కాలం కరెంటు కోతలు కచ్చితంగా ఉంటాయి. అలానే అప్పడప్పుడు సమ్మర్‌లో భారీ వర్షాలు కురిసి చెట్లు, కరెంట్ స్థంభాలు విరిగి పడుతుంటాయి. దాంతో విద్యుత్ కోతలు తప్పవు. కొన్ని సందర్భాల్లో ఈ విద్యుత్ కోతలు గంటల తరబడి కొనసాగుతుంటాయి. ఆ సమయంలో విద్యుత్ శాఖ సిబ్బందికి కాల్ చేసి సమస్య ఏంటో.. ఎప్పుడు పరిష్కారం అవుతుందో కనుక్కుంటాము.

అసలే ఇప్పుడు వర్షాకాలం ప్రారంభానికి దగ్గరగా ఉన్నాము. పైగా ఈ ఏడాది మే నెలాఖరు నాటికే రుతుపవనాలు రాష్ట్రంలోకి ప్రవేశిస్తాయని వాతావరణ శాఖ అధికారులు తెలిపారు. అంతేకాక ఉపరితల ఆవర్తనం కారణంగా నేటి నుంచి రెండు, మూడు రోజుల పాటు వర్షాలు కురుస్తాయని వాతావరణ శాఖ అధికారులు వెల్లడించారు. బుధవారం మధ్యాహ్నం హైదారబాద్‌లో కుండపోత వాన కురిసింది. భారీ వర్షాలు కురిసే సమయంలో ముందు జాగ్రత్తగా చర్యగా పలు ప్రాంతాల్లో అధికారులు విద్యుత్ సరఫరా నిలిపివేస్తారు. మరి ఈ కరెంట్ కోతల గురించి విద్యుత్ శాఖ సిబ్బందికి కాల్ చేయాలని భావిస్తున్నారా.. అయితే ఈ వార్త మీ కోసమే..

ఫ్యూజ్ ఆఫ్ కాల్ ఆఫీసులు కొత్త మొబైల్ నంబర్లకు మారాయి. వినియోగదారుల సౌకర్యార్థం వాటిని సర్కిల్, డివిజైన్ వైజ్‌గా విభజించారు. కొత్త నంబర్ల జాబితాను ఎక్స్ వేదికగా షేర్ చేశారు. మీ ఏరియా నంబర్‌ను మొబైల్‌లో సేవ్ చేసి పెట్టుకొండి. కరెంట్ పోయినా, ఫ్యూజ్ ఫెయిల్ అయినా లైన్ ఫాల్ట్ వంటి సమస్యలు ఉంటే.. విద్యుత్ శాఖ సిబ్బందికి కాల్ చేసి సమాచారం పొందవచ్చు. వర్షాకాలంలో విద్యుత్ సంబంధిత ప్రమాదాలు ఎక్కువగా ఎదురయ్యే అవకాశముంటుంది. అందువల్ల ఈ సీజన్‌లో కొన్ని ముఖ్యమైన జాగ్రత్తలు తీసుకోవడం చాలా అవసరం. ఈ క్రింది జాగ్రత్తలు పాటించండి:

వర్షాకాలంలో విద్యుత్ విషయంలో ఎలాంటి జాగ్రత్తలు తీసుకోవాలి?

వానలో తడిగా ఉండడం సహజమే. తడి చేతులతో స్విచ్‌లు, ప్లగ్‌లు, పరికరాలను తాకడం ప్రమాదకరం.

తెగి పడిపోయిన, వేలాడుతున్న విద్యుత్ తీగలు, కరెంట్ బాక్స్‌లు కనిపిస్తే తక్షణమే స్థానిక విద్యుత్ శాఖకు సమాచారం ఇవ్వండి.

భారీ వర్షం, పెనుగాలుల సమయంలో టీవీ, ఫ్రిజ్, కంప్యూటర్ లాంటి పరికరాలను ప్లగ్ నుండి తొలగించి ఉంచడం మంచిది.

ఇంట్లో సరైన ఎర్తింగ్ లేకపోతే షాక్ వచ్చే ప్రమాదం ఉంటుంది. ఎలక్ట్రిషన్‌ను సంప్రదించి ఇలాంటి సమస్యలను వెంటనే పరిష్కరించుకొండి.

తడిగా ఉన్న నేలపై నడుస్తూ లైన్‌కు దగ్గరగా వెళ్ళవద్దు.అలానే ప్రవహించే నీటిలో విద్యుత్ తీగలు ఉంటే అలాంటి ప్రాంతాలకు దూరంగా ఉండండి

అనుభవం లేని వ్యక్తులు ఎలక్ట్రిక్ సమస్యలను చక్కబెట్టేందుకు ప్రయత్నించకూడదు. ఎలక్ట్రిషన్ సాయం తీసుకోండి.

పిల్లలకు విద్యుత్ పరికరాల గురించి అవగాహన కల్పించండి. వారిని స్విచ్ బోర్డ్స్, తీగల నుంచి దూరంగా ఉంచండి.

కరెంట్ పోయిన చాలా సమయం తర్వాత హఠాత్తుగా పవర్ వచ్చినప్పుడు.. ఇంట్లోని ఎలక్ట్రికల్ పరికరాలు దెబ్బతినకుండా ఉండేందుకు స్టెబిలైజర్/సర్జ్ ప్రొటెక్టర్ వినియోగించడం మంచిది.

పైన చెప్పిన జాగ్రత్తలు పాటించడం ద్వారా వర్షాకాలంలో విద్యుత్ ప్రమాదాలను తగ్గించుకోవచ్చు. మీరు ఉంటున్న ప్రాంతంలో ఎలాంటి ప్రత్యేక పరిస్థితులు ఉన్నా దానికి అనుగుణంగా జాగ్రత్తలు తీసుకోండి.