24 క్యారెట్ల 10 గ్రాముల బంగారం ధర

బంగారం ధరలు భారీగా తగ్గాయి. పసిడి ధరలు తగ్గడానికి ప్రధానంగా అనేక కారణాలు దోహదం అవుతున్నాయి. మే 26వ తేదీ సోమవారం బంగారం ధరలు ఇలా ఉన్నాయి. 24 క్యారెట్ల 10 గ్రాముల బంగారం ధర రూ.98070 గా ఉంది. 22 క్యారెట్ల 10 గ్రాముల బంగారం ధర రూ. 89890 పలుకుతోంది. ఒక కేజీ వెండి ధర రూ. 110800 పలికింది. బంగారం ధరలు తగ్గడానికి ప్రధానంగా ఇన్వెస్టర్లు బంగారం పై పెట్టిన పెట్టుబడులను ప్రాఫిట్ బుకింగ్ రూపంలో లాభాలను వెనక్కు తీసుకోవడమే అసలు కారణమని నిపుణులు పేర్కొంటున్నారు. దీంతో అంతర్జాతీయ మార్కెట్లో బంగారానికి డిమాండ్ తగ్గింది అని చెప్పవచ్చు. దీనికి తోడు స్టాక్ మార్కెట్లలో సానుకూల ఓపెనింగ్ సూచిస్తున్న నేపథ్యంలో బంగారం ధరలు తగ్గడానికి సిద్ధమవుతున్నాయి. ఫలితంగా ఆల్ టైం రికార్డు కన్నా కూడా బంగారం ధర ప్రస్తుతం 2000 రూపాయలు తక్కువగా ట్రేడ్ అవుతోంది. రెండు రోజుల క్రితం బంగారం ధరలు నిజానికి ఒక లక్ష రూపాయల సమీపానికి చేరుకున్నాయి. కానీ అనూహ్యంగా బంగారం ధరలు మళ్ళీ తగ్గడం ప్రారంభించాయి. బంగారం ధరలు సాధారణంగా తగ్గడానికి ప్రధాన కారణం స్టాక్ మార్కెట్లో లాభాలు నమోదైనట్లయితే బంగారం ధరలు తగ్గుతాయని నిపుణులు అంచనా వేస్తుంటారు. ఎందుకంటే ఇన్వెస్టర్లు తమ డబ్బులను బంగారం నుంచి స్టాక్ మార్కెట్ వైపు తరలించేందుకు ప్రయత్నిస్తారు అప్పుడు బంగారానికి డిమాండ్ తగ్గి బంగారం ధర తగ్గుతుంది. దీనికి తోడు డాలర్ విలువ పెరిగినప్పుడు కూడా బంగారం ధర తగ్గుతుంది. ఎందుకంటే ఇన్వెస్టర్లు డాలర్ పైన పెట్టుబడి పెట్టేందుకు ఎక్కువగా మొగ్గు చూపుతారు. బంగారం ధరలు తగ్గుతున్న నేపథ్యంలో పసిడి ఆభరణాలు కొనుగోలు చేసే వారికి ఇది స్వల్ప ఊరట అని చెప్పవచ్చు. అయితే తగ్గుతున్న బంగారం ధరలు ఎంత మేరా తగ్గుతాయో ఎన్ని రోజులు తగ్గుతాయో ఇంకా తేలాల్సి ఉంది. ఎందుకంటే గడచిన రెండు వారాల్లో బంగారం ధరలు భారీగా తగ్గి ఒక దశలో 93 వేల వరకు పతనమైంది. మళ్లీ అక్కడ నుంచి మరో వారం బంగారం ధర ఏకంగా 99 వేల రూపాయల వరకు దూసుకెళ్లింది. ఇప్పుడు మళ్ళీ తగ్గుముఖం పడుతోంది. బంగారం ధరల్లో చాలా ఒడిదుడుకులు చోటు చేసుకుంటున్నాయి. దీనికి ప్రధాన కారణం ఇన్వెస్టర్లు బంగారం పైన ఎక్కువగా నమ్మకం కలిగి ఉండటమే అని చెప్పవచ్చు. బంగారం అనేది సురక్షితమైన పెట్టుబడి సాధనం కావున ఇన్వెస్టర్లు తమ పెట్టుబడులను ఎప్పటికప్పుడు బంగారం వైపు తరలిస్తున్నారు స్థిరంగా ఉంటోంది.