ముంబై సముద్రంలో అలల ఉధృతికి కొట్టుకుపోయిన తెలంగాణ వాసి

సెలవుల ఆనందం క్షణాల్లో విషాదంగా మారిన హృదయ విదారక ఘటన ముంబైలో చోటుచేసుకుంది. మెదక్ జిల్లాకు చెందిన ఒక యువకుడు తన కుటుంబంతో కలిసి సరదాగా సముద్ర విహారం చేసి.. ఒడ్డుకు చేరుకున్న కొద్దిసేపటికే అలల ఉధృతికి కొట్టుకుపోయి మరణించాడు. ఈ అనూహ్య దుర్ఘటనతో యువకుడి స్వగ్రామంలో, కుటుంబ సభ్యులలో తీరని శోకం అలుముకుంది. సముద్రతీరాల్లో సెలవులు గడిపేటప్పుడు తీసుకోవాల్సిన జాగ్రత్తలపై ఈ సంఘటన మరోసారి హెచ్చరిక చేస్తోంది.

ముంబై సముద్రంలో విషాదం..

మెదక్ జిల్లా.. రామాయంపేటలోని ఎస్సీ కాలనీలో నివాసం ఉంటున్న టంకరి రాము (34) అనే యువకుడు.. తన కుటుంబ సభ్యులతో కలిసి వేసవి సెలవులను ఆస్వాదించడానికి ముంబైకి వెళ్ళాడు. అక్కడ సముద్రంలో బోటు ప్రయాణం చేసి, నవ్వుతూ.. సరదాగా గడిపారు. సముద్ర విహారం ముగిసిన తర్వాత.. సురక్షితంగా ఒడ్డుకు చేరుకున్నారు. అంతా సంతోషంగా ఉన్నారనుకున్న సమయంలో.. ఊహించని పరిణామం చోటుచేసుకుంది. బోటు దిగిన వెంటనే సముద్రపు అలలు వేగంగా.. పెద్ద ఎత్తున రావడంతో, అప్పటివరకు కుటుంబంతో సరదాగా గడిపిన రాము ఒక్కసారిగా నీటిలోకి కొట్టుకుపోయాడు.

పంటపొలాల్లో యువకుడితో కలిసి కాలేజీ అమ్మాయి పాడుపని.. వీడియో తీయబోయిన మరో వ్యక్తి, పోలీసుల ఎంట్రీ

కుటుంబ సభ్యులు కళ్లెదుటే ఈ దారుణం జరగడంతో షాక్‌కు గురయ్యారు. తేరుకుని సహాయం కోసం కేకలు వేసినప్పటికీ.. అలల ఉధృతిలో రాము కనపడకుండా పోయాడు. సమాచారం అందుకున్న స్థానిక పోలీసులు, రెస్క్యూ బృందాలు వెంటనే సహాయక చర్యలు చేపట్టారు. సముద్రంలో విస్తృతంగా గాలించినప్పటికీ.. రాము ఆచూకీ లభించలేదు. కొన్ని గంటల తర్వాత, అతని మృతదేహం సముద్రంలో లభ్యం కావడంతో కుటుంబ సభ్యులు, బంధువులు శోకసంద్రంలో మునిగిపోయారు. కొన్ని నిమిషాల ముందు వరకు నవ్వులతో నిండిన ఆ కుటుంబం, ఈ సంఘటనతో దుఃఖంలో మునిగిపోయింది.

గ్రామంలో విషాద ఛాయలు..

రాము మరణవార్త తెలిసిన వెంటనే రామాయంపేటలోని అతని స్వగ్రామం, ఎస్సీ కాలనీలో విషాద ఛాయలు అలుముకున్నాయి. చిన్న వయసులోనే, నిండు జీవితం ఆకస్మికంగా ముగిసిపోవడంతో బంధుమిత్రులు, గ్రామస్తులు కన్నీరుమున్నీరయ్యారు. రాము మరణం అతని కుటుంబానికి తీరని లోటును కలిగించింది. కుటుంబ పెద్దను కోల్పోవడంతో వారి భవిష్యత్తు ప్రశ్నార్థకంగా మారింది.