ట్రెండింగ్
మరోసారి బయటపడ్డ డ్రగ్స్ కేసు.. ఇద్దరు అరెస్ట్
Telangana Telugu | Suryaa Desk | Published : Fri, Nov 28, 2025, 12:37 PM
మాదాపూర్ పోలీస్ స్టేషన్ పరిధిలో మరోసారి డ్రగ్స్ కేసు వెలుగులోకి వచ్చింది. అయ్యప్ప సొసైటీ ప్రాంతంలో ఎండీఎంఏ తరలిస్తున్న ఇద్దరు వ్యక్తులను మాదాపూర్ ఎస్ఓటీ పోలీసులు అదుపులోకి తీసుకున్నారు. వీరి వద్ద నుంచి 14 గ్రాముల ఎండీఎంఏ, రెండు మొబైల్ ఫోన్లు స్వాధీనం చేసుకున్నారు. మార్కెట్ విలువ సుమారు రూ.2 లక్షలు ఉంటుందని పోలీసులు తెలిపారు. ప్రాథమిక విచారణలో వీరు రెగ్యులర్ డ్రగ్స్ వినియోగదారులని, గతంలో పలు కేసులు నమోదైనట్లు వెల్లడైంది. బెంగళూరు, గోవా నుంచి తెచ్చిన ఈ డ్రగ్స్ ను న్యూ ఇయర్ సందర్భంగా హైదరాబాద్ లో సరఫరా చేసేందుకు ప్రయత్నిస్తున్నారని పోలీసులు అనుమానిస్తున్నారు. ఈ ఘటనపై కేసు నమోదు చేసి, నెట్వర్క్ ను గుర్తించే దిశగా విచారణ కొనసాగుతోంది.
|
|