వైభవంగా శివాలయంలో కార్తీక పౌర్ణమి పూజలు
Bhakthi | Suryaa Desk | Published : Tue, Nov 08, 2022, 09:47 AM
మంగళగిరి శ్రీ గంగా భ్రమరాంబ సమేత మల్లేశ్వరస్వామి వారి దేవస్థానంలో కార్తీక పౌర్ణమి పర్వదినాన్ని పరిష్కరించుకొని సోమవారం శ్రీ స్వామివారికి ప్రత్యేక పూజలు నిర్వహించారు. స్వామివారికి తెల్లవారుజామున మహాన్యాసక పూర్వక రుద్రాభిషేకం, అమ్మవారికి కుంకుమార్చనలు నిర్వహించారు. సాయంత్రం స్వామివారికి ప్రదోషకాల అభిషేకాలు నిర్వహించారు. రాత్రి పురోహితులు కార్తీక జ్వాలాతోరణం పూజలు నిర్వహించారు. జ్వాలాతోరణం ఉత్సవ పూజలలో అడిషనల్ కమిషనర్ హేమమాలిని పాల్గొని పూజలు నిర్వహించారు.
దేవస్థానం ప్రధాన అర్చకులు టీ మహేష్ శర్మ, పురోహితులు శ్యామసుందర శాస్త్రి పూజలు నిర్వహించారు. దేవాలయం ఆవరణలో మహిళా భక్తులు కార్తీక దీపారాధనలు, ఉసిరి చెట్టు వద్ద పూజలు జరిపి పురోహితులకు స్వయంపాకం దానాలు, దీప దానాలు చేశారు. భక్తులు పెద్ద సంఖ్యలో హాజరై స్వామివారిని దర్శించుకున్నారు. దీంతో దేవాలయం భక్తులతో భక్తులతో కిక్కేసిపోయింది. ఈ సందర్భంగా పలువురు దాతలు భక్తులకు ప్రసాదాలు పంపిణీ చేశారు. దేవస్థాన ఈవో జేవి నారాయణ పర్యవేక్షించారు.
|
|