అదానీ గ్రూప్ ఆఫ్ కంపెనీలకు ఊరాటనిచ్చే వార్త

అదానీ గ్రూప్ కంపెనీలకు మరో ఊరట దక్కింది. జాతీయ స్టాక్ ఎక్స్చేంజి, బొంబాయి స్టాక్ ఎక్స్చేంజి ఇప్పుడు అదానీ గ్రూప్‌‌కు సంబంధించి కీలక ప్రకటన చేసింది. అదానీ గ్రూప్ కంపెనీల్లో అదానీ ఎంటర్‌ప్రైజెస్, అదానీ పవర్, అదానీ విల్మర్ స్టాక్స్‌ను.. స్వల్పకాలిక అదనపు నిఘా విభాగం జాబితా నుంచి తొలగించాయి ఎన్ఎస్ఇ, బీఎస్ఇ మార్చి 17 నుంచే ఈ నిర్ణయం అమల్లోకి వస్తుందని స్పష్టం చేసింది. ఈ మేరకు ఎక్స్చేంజీలు ఒక సర్క్యులర్ విడుదల చేశాయి. ఎన్‌ఎస్‌ఈ, బీఎస్‌ఈ.. ఈ 3 అదానీ గ్రూప్ కంపెనీలను ఏఎస్ఎం ఫ్రేమ్‌వర్క్ పరిధిలోకి తీసుకొస్తున్నట్లు మార్చి 8న ప్రకటించాయి. ఇప్పుడు ఆ లిస్ట్ నుంచి తొలగిస్తు్న్నట్లు వివరించాయి.

స్టాక్స్‌లో ఎక్కువ వేరియేషన్స్ ఉండటం, క్లయింట్ కాన్సంట్రేషన్, నంబర్ ఆఫ్ ప్రైస్ బాండ్ హిట్స్, క్లోజ్ టు క్లోజ్ ప్రైస్ వేరియేషన్ ఇవన్నీ పరిగణనలోకి తీసుకొని.. ముందు జాగ్రత్తగా ఈ స్టాక్స్‌నుఎన్ఎస్ఇఈ ఫ్రేమ్‌వర్క్ పరిధిలోకి తీసుకొస్తాయి. ఇది సదరు కంపెనీకి హెచ్చరిక మాత్రం కాదు.. ఇన్వెస్టర్లను అప్రమత్తం చేసేందుకే ఇలా చేస్తుందని ఎన్ఎస్ఇ గతంలోనే చెప్పింది. అదానీ గ్రూప్ స్టాక్స్‌తో పాటు టాటా టెలీసర్వీసెస్ లిమిటెడ్‌ను కూడా ఈ ఏఎస్ఎం ఫ్రేమ్‌వర్క్ నుంచి తీసేసినట్లు వివరించింది.

ఇక ఈ జాబితాలో చేరిస్తే ఇంట్రాడే ట్రేడింగ్ చేస్తే గనుక 100 శాతం అప్‌ఫ్రంట్ మార్జిన్ అవసరం అవుతుంది. అప్పుడు షార్ట్ సెల్లింగ్‌ను ఎక్కువ శాతం తగ్గించేందుకు వీలుంటుంది. షేర్లలో హై వోలటిలిటీ ఉన్నప్పుడే.. షార్ట్ సెల్లింగ్ వంటివి నిరోధించి ఇన్వెస్టర్ల సొమ్మును రక్షించేందుకు.. ఇలా ఈ జాబితాలోకి ఆ స్టాక్స్‌ను చేర్చి అప్రమత్తం చేస్తాయి. ఇక అమెరికాకు చెందిన హిండెన్‌బర్గ్ రీసెర్చ్ ఆరోపణలు చేసినప్పటినుంచి అదానీ గ్రూప్ షేర్లు కుదేలయ్యాయి. మళ్లీ కొద్దిరోజులుగా కోలుకుంటున్నాయి. గురువారం కూడా అదానీ గ్రూప్‌కు చెందిన 10 స్టాక్స్‌లో 6 లాభాల్లో ముగిశాయి. శుక్రవారం సెషన్‌లో 7 స్టాక్స్ లాభపడ్డాయి. ఇందులో చాలా వరకు అప్పర్‌సర్క్యూట్ కొట్టడం విశేషం.