ట్రెండింగ్
రోహిత్‌ను అధిగమించిన యశస్వి జైస్వాల్‌
sports | Suryaa Desk | Published : Tue, Jan 16, 2024, 12:08 PM
టీ20ల్లో 23 ఏళ్లు దాటక ముందే అత్యధిక హాఫ్‌ సెంచరీలు సాధించిన భారత బ్యాటర్‌గా యశస్వి రికార్డు నెలకొల్పాడు. ఈ క్రమంలో అతను టీమిండియా కెప్టెన్‌ రోహిత్‌ శర్మ, రిషబ్‌ పంత్‌, తిలక్‌ వర్మల పేరిట సంయుక్తంగా ఉన్న రికార్డును అధిగమించాడు. 22 ఏళ్ల యశస్వి 16 టీ20ల్లోనే 498 పరుగులు చేశాడు.
అయితే టీమిండియా ఆటగాళ్లు యశస్వి జైస్వాల్‌, శివమ్‌ దూబేలకు బీసీసీఐ సెంట్రల్‌ కాంట్రాక్ట్‌ ఇవ్వాలని భావిస్తున్నట్లు తెలుస్తోంది. గత కొంతకాలంగా పొట్టి క్రికెట్‌లో విశేషంగా రాణిస్తున్న వీరిద్దరికి సెంట్రల్‌ కాంట్రాక్ట్‌తో గుర్తింపు ఇవ్వాలని బీసీసీఐ యోచిస్తున్నట్లు సమాచారం. బీసీసీఐ 2022-23 మొత్తం 26 మంది ఆటగాళ్లకు సెంట్రల్‌ కాంట్రాక్ట్‌ అందించింది. 2023-24 బీసీసీఐ కాంట్రాక్ట్‌ ఆటగాళ్ల జాబితాలో కొత్తగా యశస్వి, దూబే చేరవచ్చు.
|
|