బంగారం కొనేవారికి ఊరట.. నేటి ధరలు ఇవే.. తులం రేటు ఎంతుందంటే?

భారతీయులకు బంగారం, వెండి అంటే ఎంత ఇష్టమో ప్రత్యేకంగా చెప్పనక్కర్లేదు. ఆభరణాలుగా ధరించడంతో పాటు ఇటీవలి కాలంలో పెట్టుబడి సాధనంగానూ ఉపయోగిస్తున్నారురు. అత్యవసర సమయంలో అక్కరకు వస్తుందని ఎక్కువగా కొంటుంటారు. పండగలు, శుభకార్యాలు, వేడుకల్లో బంగారం ధరించేందుకు మహిళలు ఆసక్తి చూపిస్తుంటారు. ఈ క్రమంలో డిమాండ్ పెరిగి రేట్లు పెరుగుతున్నాయి. గత రెండు రోజుల పాటు తగ్గిన గోల్డ్ రేటు నిన్నటి రోజున మళ్లీ పెరిగిన సంగతి తెలిసిందే. ఇవాళ జనవరి 28వ తేదీన మాత్రం స్వల్ప ఊరట కల్పించాయి. ఇవాళ ధరలు స్థిరంగా ఉన్నాయి.

 ఇంటర్నేషనల్ మార్కెట్లో స్పాట్ గోల్డ్ రేటు చూసుకుంటే ఇవాళ ఔన్సుకు 2019 డాలర్ల వద్ద స్థిరంగా ఉంది. ఇదే సమయంలో స్పాట్ సిల్వర్ రేటు ఒక ఔన్సుకు 22. 81 డాలర్ల వద్ద ఎలాంటి మార్పు లేకుండా కొనసాగుతోంది. మరోవైపు ఇండియన్ కరెన్సీ రూపాయి విలువ కాస్త మెరుగవుతోంది. ప్రస్తుతం డాలర్‌తో పోలిస్తే రూపాయి మారకం విలువ ఇవాళ రూ. 83. 140 వద్ద కొనసాగుతోంది.

పిల్లలకి వారి హద్దులు గురించి ఇలా చెప్పండి దేశీయంగా బంగారం ధరలు ఇవాళ స్థిరంగా ఉన్నాయి. హైదరాబాద్ బులియన్ మార్కెట్లో 22 క్యారెట్ల బంగారం ధర 10 గ్రాములకు రూ. 57 వేల 800 వద్ద స్థిరంగా ఉంది. ఇక 24 క్యారెట్స్ గోల్డ్ రేటు తులానికి రూ. 63 వేల 50 వద్ద కొనసాగుతోంది. అంతకు ముందు రెండు రోజుల పాటు వరుసగా రూ. 50 మేర దిగొచ్చిన సంగతి తెలిసిందే. ఆ తర్వాత నిన్న ఒక్కసారే రూ.100 పెరిగింది. మరోవైపు.. దేశ రాజధాని ఢిల్లీలో ఇవాళ 10 గ్రాముల గోల్డ్ రేటు 22 క్యారెట్లకు రూ. 57 వేల 950 వద్ద ఉంది. అలాగే 24 క్యారెట్స్ స్వచ్ఛమైన బంగారం రేటు రూ. 63 వేల 200 వద్ద ట్రేడింగ్ అవుతోంది.

బంగారం రేట్లు ఇవాళ స్థిరంగా ఉన్న నేపథ్యంలో వెండి ధరలు సైతం స్థిరంగానే ఉన్నాయి. ప్రస్తుతం ఢిల్లీలో కేజీ సిల్వర్ రేటు రూ. 76 వేల 500 వద్ద స్థిరంగా ఉంది. హైదరాబాద్ మార్కెట్లో క్రితం రోజు రూ. 500 పెరిగిన వెండి రేటు ఇవాళ కిలో రేటు రూ. 78 వేల మార్క్ వద్ద స్థిరంగా ఉంది. అయితే గోల్డ్, సిల్వర్ రేట్లు ప్రాంతాల్ని బట్టి మారుతాయి. స్థానిక పన్నుల కారణంగా ఆయా ప్రాంతాల్లో ధరల్లో వ్యత్యాసం ఉంటుంది.