సర్ఫరాజ్‌కి టీమిండియా నుంచి పిలుపు
sports | Suryaa Desk | Published : Tue, Jan 30, 2024, 12:28 PM
సర్ఫరాజ్‌కి టీమిండియా నుంచి పిలుపు వచ్చింది. ఎట్టకేలకు సర్ఫరాజ్‌ఖాన్‌కు టీమిండియాకు ఆడే అవకాశం దక్కింది. ఇంగ్లండ్‌తో జరుగుతున్న రెండో టెస్టుకు రవీంద్ర జడేజా, కేఎల్ రాహుల్ దూరమయ్యారు. జడేజా, కేఎల్ రాహుల్ గాయాలతో బాధపడుతున్నారని బీసీసీఐ ఒక ప్రకటనలో ప్రకటించింది.
వీరి స్థానంలో సర్ఫరాజ్ ఖాన్, సౌరభ్ కుమార్, వాషింగ్టన్ సుందర్ కూడా ఎంపికయ్యారు. ఫిబ్రవరి 2 నుంచి విశాఖపట్నం వేదికగా టీమిండియా-ఇంగ్లండ్ రెండో టెస్టు జరగనుండగా.. మరోవైపు టీమిండియా క్రికెటర్ సర్ఫ్ రాజ్ ఖాన్ తండ్రి నౌషాద్ ఖాన్ భావోద్వేగానికి గురయ్యారు. ‘నా కొడుకు సర్ఫ్ రాజ్‌ని జాతీయ జట్టుకు ఎంపిక చేసినందుకు బీసీసీఐకి ధన్యవాదాలు’ అంటూ సోషల్‌మీడియాలో ఎమోషనల్‌ పోస్ట్ పెట్టాడు. ఇప్పుడు ఈ పోస్ట్ సోషల్ మీడియాలో వైరల్‌గా మారింది. కాగా, ఇంగ్లండ్‌తో జరగనున్న రెండో టెస్టుకు సెలక్టర్లు సర్ఫ్ రాజ్‌ను ఎంపిక చేశారు. అతను 45 ఫస్ట్ క్లాస్ మ్యాచ్‌ల్లో మొత్తం 3,912 పరుగులు చేశాడు.
|
|