వైజాగ్ టెస్ట్.. విజయం దిశగా భారత్
sports | Suryaa Desk | Published : Mon, Feb 05, 2024, 12:52 PM
వైజాగ్ వేదికగా ఇంగ్లండ్ తో జరుగుతున్న రెండో టెస్టులో భారత్ విజయం దిశగా సాగుతోంది. 399 పరుగుల లక్ష్యంతో బరిలోకి దిగిన ఇంగ్లాండ్ ను నాలుగో రోజు ఆట ప్రారంభంలోనే భారత బౌలర్లు దెబ్బకొట్టారు. లంచ్ సమయానికే రెహాన్, పోప్, రూట్, క్రాలీ (73), బెయిర్టోను పెవిలియన్ పంపారు. దీంతో ఇంగ్లాండ్ 194 రన్స్ కు 6 వికెట్లు కోల్పోయింది. భారత్ విజయానికి మరో 4 వికెట్లు అవసరం కాగా ఇంగ్లండ్ కు 205 రన్స్ కావాలి.
ఇంగ్లండ్ స్టార్‌ బ్యాటర్‌ జో రూట్ అరుదైన రికార్డు సాధించాడు. భారత్‌లో అత్యధిక పరుగులు సాధించిన విదేశీ క్రికెటర్ల జాబితాలో చేరాడు. టీమిండియాతో రెండో టెస్టు సందర్భంగా నాలుగో రోజు ఆటలో భాగంగా 30.4ఓవర్లలో అశ్విన్‌ బౌలింగ్‌లో సింగిల్‌ తీసిన రూట్..భారతగడ్డపై వెయ్యి పరుగుల మార్కు అందుకున్నాడు. ఈ క్రమంలో భారత్‌లో ఈ మైలురాయి అందుకున్న ఐదో విదేశీ బ్యాటర్‌గా రూట్ నిలిచాడు.
|
|