నేడు ఐపీఎల్ షెడ్యూల్ విడుదల
sports | Suryaa Desk | Published : Thu, Feb 22, 2024, 12:10 PM
ఇండియన్ ప్రీమియర్ లీగ్ (ఐపీఎల్) 17వ సీజన్ షెడ్యూల్ నేడు విడుదల కానుంది. బిసిసిఐ షెడ్యూల్‌ను గురువారం సాయంత్రం 5 గంటలకు స్టార్ స్పోర్ట్స్ మరియు జియో సినిమా లైవ్‌లో విడుదల చేయనున్నారు. మార్చి 22 నుంచి IPL 2024 ప్రారంభం కానుందని తెలుస్తోంది.డిఫెండింగ్ ఛాంపియన్ చెన్నై సూపర్ కింగ్స్, రన్నరప్ గుజరాత్ టైటాన్స్ మధ్య చెన్నైలోని చెపాక్ స్టేడియంలో తొలి మ్యాచ్ జరగనుంది. మే 26న జరిగే ఫైనల్ మ్యాచ్‌కు బీసీసీఐ షెడ్యూల్‌ను రూపొందించింది.
అయితే ఐపీఎల్ 2024 పూర్తి షెడ్యూల్ ఈరోజు విడుదల కానుందని తెలుస్తోంది. దేశంలో సార్వత్రిక ఎన్నికల నేపథ్యంలో ముందుగా 15 రోజుల షెడ్యూల్ ను ప్రకటించనున్నట్లు సమాచారం. ఎన్నికల తేదీల తర్వాత మిగిలిన ఐపీఎల్ షెడ్యూల్‌ను విడుదల చేయాలని బీసీసీఐ భావిస్తోంది. ఈరోజు ఏదో క్లారిటీ వస్తుంది. సార్వత్రిక ఎన్నికలు జరిగినా.. మొత్తం లీగ్‌ను భారత్‌లోనే నిర్వహిస్తామని ఐపీఎల్, బీసీసీఐ అధికారులు ఇప్పటికే స్పష్టం చేశారు. ఐపీఎల్ 2024 ప్రారంభోత్సవ వేడుకను ఘనంగా నిర్వహించాలని లీగ్ నిర్వాహకులు ప్లాన్ చేస్తున్నారు.
|
|
