పంత్‌కు రూ.27 కోట్లు.. ఇప్పటి వరకూ ఐపీఎల్ వేలాల్లో అత్యధిక ధర పలికిన ఆటగాళ్లు వీళ్లే

ఐపీఎల్ వేలం చరిత్రలోనే అత్యధిక ధర పలికిన ప్లేయర్‌గా రిషభ్‌ పంత్ నిలిచాడు. ఐపీఎల్‌ 2025 మెగా వేలం తొలిరోజు అతడిని లక్నో సూపర్‌ జెయింట్స్ రూ.27 కోట్లకు కొనుగోలు చేసింది. దీనికంటే కొన్ని నిమిషాల ముందు శ్రేయస్ అయ్యర్‌ను రూ.26.75 కోట్లకు పంజాబ్‌ కింగ్స్ కొనుగోలు చేసింది. కానీ ఇది జరిగిన కాసేపటికే పంత్ ఆ రికార్డును బద్దలు కొట్టాడు.

 కాగా ఐపీఎల్ 2025 మెగా వేలానికి ముందు ఐపీఎల్‌లో అత్యధిక ధర పలికిన ఆటగాడిగా మిచెల్ స్టార్క్‌ ఉన్నాడు. గత సీజన్‌కు ముందు జరిగిన వేలంలో మిచెల్ స్టార్క్ ఏకంగా రూ.24.75 కోట్లు పలికాడు. దీంతో ఐపీఎల్ చరిత్రలోనే కనీవినీ ఎరగని రీతిలో డబ్బును సొంతం చేసుకున్నాడు. ప్రస్తుతం జరుగుతున్న వేలంతో కలిపి ఇప్పటివరకు 18 సార్లు వేలం జరిగింది. అందులో అత్యధిక ధర పలికిన ప్లేయర్లెవరు? వారు ఎంత మొత్తం దక్కించుకున్నారు? అనే విషయాలు ఇప్పుడు తెలుసుకుందాం..

2008 ఐపీఎల్..

ఐపీఎల్ తొలిసారిగా 2008లోనే ప్రారంభమైంది. ఇందులో అప్పటి టీమిండియా కెప్టెన్ మహేంద్ర సింగ్ ధోనీ అత్యధిక ధర పలికాడు. అతడి కోసం చెన్నై సూపర్ కింగ్స్ 1.5 మిలియన్ డాలర్లు వెచ్చించింది.

2009 సీజన్‌లో..

ఈసారి ఇద్దరు ఇంగ్లాండ్ ప్లేయర్లు అత్యధిక మొత్తాన్ని దక్కించుకున్నారు. ఇందులో ఆండ్రూ ఫ్లింటాఫ్, కెవిన్ పీటర్సన్‌లు ఉన్నారు. వీరిద్దరూ 1.55 మిలియన్ డాలర్లు పలికారు.

2010 ఎడిషన్‌లో..

ఇందులో కూడా ఇద్దరు ప్లేయర్లు అత్యధిక మొత్తం సొంతం చేసుకున్నారు. షేన్ బాండ్, కీరన్ పొలార్డ్‌లు $750K సొంతం చేసుకున్నారు.

ఐపీఎల్ 2011 వేలం: గౌతమ్ గంభీర్ ($2.4M)

ఐపీఎల్ 2012 వేలం: రవీంద్ర జడేజా ($2M)

ఐపీఎల్ 2013 వేలం: గ్లెన్ మ్యాక్స్‌వెల్ ($1M)

ఐపీఎల్ 2014 వేలం: యువరాజ్ సింగ్ (రూ.14 కోట్లు)

ఐపీఎల్ 2015 వేలం: యువరాజ్ సింగ్ (రూ.16 కోట్లు)

ఐపీఎల్ 2016 వేలం: షేన్ వాట్సన్ (రూ.9.5 కోట్లు)

ఐపీఎల్ 2017 వేలం: బెన్ స్టోక్స్ (రూ.14.5 కోట్లు)

ఐపీఎల్ 2018 వేలం: బెన్ స్టోక్స్ (రూ.12.5 కోట్లు)

ఐపీఎల్ 2019 వేలం: జయదేవ్ ఉనద్కత్ (రూ.8.4 కోట్లు)

ఐపీఎల్ 2020 వేలం: ప్యాట్ కమిన్స్ (రూ.15.5 కోట్లు)

ఐపీఎల్ 2021 వేలం: క్రిస్ మోరిస్ (రూ.16.25 కోట్లు)

ఐపీఎల్ 2022 వేలం: ఇషాన్ కిషన్ (రూ.15.25 కోట్లు)

ఐపీఎల్ 2023 వేలం: సామ్ కర్రన్ (రూ.18.5 కోట్లు)

ఐపీఎల్ 2024 వేలం: మిచెల్ స్టార్క్ (రూ.24.75 కోట్లు)

ఐపీఎల్‌ 2025 వేలం: రిషభ్‌ పంత్‌ (రూ.27 కోట్లు