ఆడ పిల్లల కోసం కేంద్రం స్కీమ్.. సుకన్య సమృద్ధి గురించి ఈ 10 విషయాలు తెలుసా

ఆడ పిల్లల ఉన్నత చదువు, పెళ్లి కోసం పెద్ద మొత్తంలో రాబడి అందించి తల్లిదండ్రులకు ఆర్థిక భరోసా కల్పించేందుకు కేంద్ర ప్రభుత్వం ఒక అద్భుతమైన పథకాన్ని అందిస్తోంది. అదే సుకన్య సమృద్ధి యోజన. ఈ స్కీమ్ ద్వారా బాలికల కోసం పొదుపు చేయవచ్చు. పది సంవత్సరాలలోపు వయసు గల ఆడ పిల్లల పేరుపై సుకన్య సమృద్ధి ఖాతా తీసుకోవచ్చు. చిన్న మొత్తాల్లో పొదుపు చేస్తూ ఉన్నత చదువులు, పెళ్లి సమయానికి పెద్ద మొత్తంలో రాబడి అందుకోవచ్చు. దీంతో తల్లిదండ్రులకు పెద్ద భరోసా ఉంటుంది. మరి ఈ పథకం అర్హతలు, టెన్యూర్ వంటి 10 ముఖ్యమైన విషయాలను ఇప్పుడు మనం తెలుసుకుందాం.

పది సంవత్సరాల లోపు వయసు ఉన్న బాలికల పేరున తల్లిదండ్రులు లేదా వారి సంరక్షకులు ఈ ఖాతాను తెరవవచ్చు. కేంద్ర ప్రభుత్వం ఆధ్వర్యంలో పోస్టాఫీసులు, బ్యాంకులు ఈ పథకాన్ని అందిస్తున్నాయి. సమీపంలోని బ్యాంకుకు వెళ్లి ఈ ఖాత తెరిచి పొదుపు మొదలు పెట్టవచ్చ. సుకన్న సమృద్ధఇ ఖాతా కాల పరిమితి 21 సంవత్సరాలుగా ఉంటుంది. అంటే పాప వయసు 21 సంవత్సరాలు వచ్చే వరకు పొదుపు చేయాల్సి ఉంటుంది.

 ఒక బాలికకు ఒక ఖాతా చొప్పున కుటుంబంలో ఇద్దరు బాలికల వరకు ఈ ఖాతా తీసుకోవచ్చు. 10 ఏళ్లలోపు వయసు ఉన్న ఇద్దరు బాలికల పేరిట పొదుపు చేసేందుకు ఈ స్కీమ్ అవకాశం కల్పిస్తుంది. సంవత్సర కాలంలో నెలకు కనీసం రూ.250 చొప్పున ఇన్వెస్ట్ చేయవచ్చు. ఒక ఏడాదిలో గరిష్ఠంగా రూ.1.50 లక్షల వరకు పొదుపు చేసేందుకు అవకాశం ఉంటుంది. పాపకు 15 సంవత్సరాలు పూర్తి అయ్యే వరకూ డబ్బులు జమ చేస్తూ ఉండాలి.

సుకన్య సమృద్ధి యోజన ఖాతాలో జమ చేసిన డబ్బులకు గానూ ప్రభుత్వ 8.2 శాతం చొప్పున వడ్డీ రేటు అందిస్తోంది. బాలిక పదో తరగతి ఉత్తీర్ణురాలైన తర్వాత లేదా 18 ఏళ్ల వయసు వచ్చిన తర్వాత 50 శాతం నగదును వెనక్కి తీసుకోవచ్చు. సుకన్య సమృద్ధి పథకం ఖాతాను అన్ని బ్యాంకుల్లోనూ, పోస్టాఫీసుల్లోనూ తెరవవచ్చు. ఈ ఖాతాలో జమ చేస్తున్న డబ్బుకి ఆదాయపు పన్ను మినహాయింపు ఉంటుంది. 18 ఏళ్ల వయసు దాటిన తర్వాత అమ్మాయికి పెళ్లి అయితే ప్రీ మెచ్యూర్ క్లోజర్ ద్వారా ఖాతా మూసి వేయవచ్చు.