అశ్లీల వీడియోలు చూపిస్తూ .. 3 నెలలుగా మైనర్ బాలికపై మామయ్య అఘాయిత్యం

రోజురోజుకూ మానవ సంబంధాలు మంట గలుస్తున్నాయి. వావి వరసలు మరిచి మరీ కొందరు రాక్షసులు మహిళలపై అఘాయిత్యాలకు పాల్పడుతున్నారు. పసి పిల్లల దగ్గర నుంచి పండు ముసలి వాళ్ల వరకూ అందరిపై అత్యాచారాలు చేస్తూ తమ కోరికలు తీర్చుకుంటున్నారు. ఏమీ తెలియని చిన్నారులకు అశ్లీల వీడియోలు చూపిస్తూ.. వారి జీవితాలను అన్యాయం చేస్తున్నారు. ఈ విషయం బయటకు చెబితే చంపేస్తామని బెదిరిస్తూ.. వాళ్లు నోర్లు మూయిస్తున్నారు. తాజాగా ఇలాంటి ఘటనే రాజ్‌కోట్‌లో జరిగింది.

రాజ్‌కోట్‌లోనే పుట్టి పెరిగిన 28 ఏళ్ల శ్రీనివాస్ అక్కడే వ్యాపారం చేస్తున్నాడు. వెండి ఆభరణాలు తయారు చేస్తూ జీవనం సాగిస్తున్న ఇతడికి.. తమ ఇంటికి దగ్గర్లోనే ఉన్న ఓ కుటుంబంతో గత 15 సంవత్సరాలుగా స్నేహం ఉంది. ఫ్యామిలీ ఫ్రెండ్ కావడంతో ఆ దంపతులు కూడా ఇతడిని ఇంటికి రానిచ్చేవారు. వారి ఇద్దరు పిల్లలు కూడా శ్రీనివాస్‌ను మామా.. మామా అని పిలుస్తూ ప్రేమగా పలకరించేవారు. అయితే 3 నెలల క్రితమే శ్రీనివాస్‌కు నిశ్చితార్థం జరిగింది. త్వరలోనే అతడు పెళ్లి కూడా చేసుకోబోతున్నాడు.

అయితో కాబోయే భార్యతో తరచుగా ఫోన్లు మాట్లాడే ఇతడికి తన ఇంట్లో సౌకర్యంగా అనిపించలేదు. తల్లిదండ్రుల ముందు ఫోన్ మాట్లాడుతుంటే ప్రైవసీ ఉండదని.. తమ ఇంటికి దగ్గర్లోనే ఉంటున్న ఫ్యామిలీ ఫ్రెండ్స్ ఇంటికి వచ్చేవాడు. వారి ఇంటి ఆవరణలోనే తిరుగుతూ కాబోయే భార్యకు కబుర్లు చెప్పేవాడు. డిసెంబర్ 8వ తేదీన కూడా అలాగే స్నేహితుల ఇంటికి వెళ్లిన శ్రీనివాస్.. 11 ఏళ్ల బాలికను నీళ్లు తీసుకురమ్మని అడిగాడు. బాలికి నీళ్లు తేగా తాగాడు. ఆ తర్వాత బాలికపై అత్యాచారానికి పాల్పడ్డాడు. అనంతరం ఇంటికి వెళ్లిపోయాడు.

ఈ విషయం తెలియని తల్లిదండ్రులు రాత్రి పడుకున్నారు. ఉదయం లేచేసరికి బాలికకు ప్రైవేటు భాగాల్లో నొప్పి ఎక్కువ కాగా ఏడవడం మొదలు పెట్టింది. ఏమైందని తల్లి అడగ్గా అసలు విషయం చెప్పింది. అశ్లీల వీడియోలు చూపిస్తూ.. శ్రీనివాస్ మామయ్య తనపై అత్యాచారానికి పాల్పడుతున్నాడని వివరించింది. ఇదే మొదటి సారి కాదని.. గత మూడు నెలలుగా రోజూ శ్రీనివాస్ తనకు నరకం చూపిస్తున్నాడని చెప్పింది. ఈ విషయం ఎవరికైనా చెబితే చంపేస్తానని బెదిరించినట్లు కూడా వెల్లడించింది.

బాలికి చెప్పిందంతా విన్న తల్లిదండ్రులు షాక్ అయ్యారు. వెంటనే పాపను ఆస్పత్రికి తరలించారు. అనంతరం పోలీసులకు ఫిర్యాదు చేశారు. ఫ్యామిలీ ఫ్రెండ్ శ్రీనివాసే తమ బాలికను రేప్ చేసినట్లు వివరించారు. పోక్సో చట్టం కింద కేసు నమోదు చేసుకున్న పోలీసులు శ్రీనివాస్‌ను అదుపులోకి తీసుకున్నారు.