గుప్పెడు యాలకులతో కుండలాంటి పొట్టని తగ్గించుకోండి, ఎలా తీసుకోవాలంటే

​బరువు తగ్గడానికి ఇంట్లోని కొన్ని ఆహార పదార్థాలు హెల్ప్ చేస్తాయి. ఇప్పటికే, ఇలాంటి ఎన్నో చిట్కాల గురించి తెలుసుకున్నాం. ఇప్పుడు యాలకులు బరువుని ఎలా తగ్గిస్తాయో తెలుసుకోండి. నిజానికీ యాలకుల్లో ఎన్నో అద్భుత గుణాలు ఉంటాయి. కాబట్టే, ఆయుర్వేద ఔషధాల్లోనూ యాలకుల్ని వాడతారు. వీటిని తీసుకోవడం వల్ల బాడీలో కొలెస్ట్రాల్ కరుగుతుంది. కేలరీలు బర్న్ అవుతాయి. ఈ కారణంగానే యాలకులు మీ ఒంట్లోని బరువుని ఇట్టే తగ్గిస్తాయి. యాలకుల్ని ఫుడ్‌లో యాడ్ చేస్తే ఆహారానికి రుచి పెరగడమే కాదు. బాడీలోని కొలెస్ట్రాల్ కరుగుతుంది. యాలకుల్లో తక్కువ కేలరీలు, ఎక్కువ పోషకాలు ఉంటాయి. ఫ్లేవనాయిడ్స్, పాలీఫెనాల్స్ వంటి యాంటీ ఆక్సిడెంట్స్ బరువుని తగ్గించడంలో హెల్ప్ చేస్తాయి.

ఎలా తీసుకోవాలి

బరువు తగ్గాలనుకునేవారు రాత్రి 4 నుంచి 5 యాలకుల్ని ఓ గ్లాసు గోరువెచ్చని నీటిలో నానబెట్టి ఉదయాన్నే ఆ నీటిని తాగాలి. యాలకుల్లోని మెలటోనిన్ జీవక్రియని పెంచుతుంది. దీంతోపాటు జీర్ణక్రియ మెరుగవుతుంది. దీంతో శరీరంలోని అదనపు కొలెస్ట్రాల్ కరుగుతుంది. దీంతో త్వరగా బరువు తగ్గుతారు. యాలకుల్ని అలానే నమలి తినడం వల్ల కూడా అందులోని రసం కొలెస్ట్రాల్‌ని కరిగిస్తుంది.

యాలకుల బెనిఫిట్స్‌ ఇవే..!

ఆకలి తగ్గేందుకు

యాలకులు సహజంగానే ఆకలిని కంట్రోల్ చేస్తాయి. కొంతమందికి ఆకలిగా ఉన్నప్పుడు ప్రాసెస్డ్ ఫుడ్స్ తింటారు. వీటి వల్ల బరువు పెరుగుతారు. దీనిని కంట్రోల్ చేసేందుకు యాలకులు తినాలి. దీని వల్ల ఆకలి తగ్గుతుంది. ఎక్కువగా తినరు. కడుపు ఎక్కువసేపు నిండుగా ఉంటుంది. త్వరగా బరువు తగ్గుతారు.

అదనపు నీటిని బయటికి పంపేందుకు

యాలకులు బాడీలోని అదనపు నీటిని బయటికి పంపుతుంది. ఇది సహజ మూత్రవిసర్జనగా పనిచేస్తుంది. యాలకుల్ని రెగ్యులర్‌గా తీసుకుంటే బాడీలో అదనంగా ఉన్న నీరు బయటికి వెళ్లి త్వరగా బరువు తగ్గుతారు. అలాగే వాపు కూడా తగ్గుతుంది.

టాక్సిన్స్ బయటకి

యాలకుల్లో డీటాక్సీఫైయింగ్ గుణాలు ఉన్నాయి. దీంతో అవాంఛిత టాక్సిన్స్ దూరమవుతాయి. దీని వల్ల కాలేయం వంటి జీవక్రియలో పాల్గొన్న మొత్తం అవయవాల పనితీరు కూడా మెరుగ్గా మారుతుంది. దీంతో త్వరగా బాడీలో పేరుకుపోయిన అదనపు కొవ్వు కరిగి త్వరగా బరువు తగ్గుతారు.

జీర్ణక్రియ

యాలకులు రోజూ తీసుకుంటే జీర్ణక్రియ పెరుగుతుంది. పోషకాల శోషణ మెరుగ్గా మారుతుంది. దీంతో అజీర్ణం, ఉబ్బరం, గ్యాస్, మలబద్దకం వంటి సమస్యలు తగ్గి బరువుని తగ్గిస్తుంది.

ఎలా తీసుకోవచ్చు

యాలకుల్ని బరువు తగ్గేందుకు, బెల్లీని తగ్గించుకునేందుకు తీసుకోవచ్చు. దీనికోసం యాలకుల్ని 5 నిమిషాలు మరిగించి వడగట్టి అలానే తాగొచ్చు. కొవ్వు తక్కువగా ఉండే పాలలో వేసి పంచదార లేకుండానే తాగొచ్చు. యాలకుల టీ తాగొచ్చు.

యాలకులతో నిమ్మరసం

బెల్లీ ఫ్యాట్, బరువు తగ్గేందుకు నిమ్మరసంలో యాలకుల పొడి కలిపి తీసుకోవచ్చు. దీనికోసం మూడు యాలకుల్ని పొడిలా చేసి ఆ పొడిని మరిగే నీటిలో వేసి ఆ నీటిని చల్లార్చి కొద్దిగా నిమ్మరసం కలపాలి. దీనిని రోజూ ఉదయాన్నే తాగితే రీఫ్రెష్‌గా ఉంటారు. బరువు కూడా తగ్గుతారు.

అల్లం టీ

యాలకుల్ని అల్లం టీలో వేసి మరిగించి తాగాలి. దీంతో బెల్లీ ఫ్యాట్ తగ్గుతుంది. త్వరగా పొట్ట తగ్గుతుంది. ​

తేనెతో

బరువు తగ్గేందుకు యాలకుల్ని తేనెతో కలిపి తీసుకోవచ్చు. తేనెలో చిటికెడు యాలకుల పొడి కలిపి ఖాళీ కడుపుతో తీసుకోండి. దీంతో నడుము ప్రాంతంలో పేరుకుపోయిన కొవ్వు తగ్గుతుంది. అంతేకాకుండా శరీర బరువు కూడా వేగంగా తగ్గుతుంది.

వంటల్లోనూ

యాలకుల్ని వంటల్లోనూ వాడొచ్చు. మీకు ఇష్టమైన స్మూతీస్, సూప్స్, కేక్స్, బ్రెడ్స్‌లో యాలకుల పొడి కలిపి తీసుకోవచ్చు. దీంతో ఆహార రుచి పెరిగి పోషకాలు శోషించడానికి హెల్ప్ చేస్తుంది. దీంతో బరువు కూడా తగ్గుతారు.