ఎంత తోమినా పళ్ళు పచ్చగానే ఉన్నాయా, ముత్యాల్లా మెరిపించే టూత్‌పౌడర్ ఇదే, ఎలా తయారుచేయాలంటే

పళ్లు తెల్లగా కనిపించాలని ప్రతి ఒక్కరూ అనుకుంటారు. అందుకోసం టూత్‌పేస్టులు మారుస్తూనే ఉంటారు. అలా కాకుండా కొన్ని ఇంటి చిట్కాలతోనే పళ్లని చక్కగా క్లీన్ చేసుకోవచ్చు. మన ముఖంలో చూడగానే ఎదుటివారిని చక్కని చిరునవ్వు ఆకర్షిస్తుంది. ఆ చిరునవ్వు అందంగా ఉండాలంటే దంతాలు కూడా చక్కగా తెల్లగా మెరుస్తుండాలి. దీంతో చిరునవ్వు అందంగా కనిపిస్తుంది.

కానీ, మనం తినే ఫుడ్స్, తాగే డ్రింక్స్ కారణంగా కొన్ని రోజుల్లోనే దంతాలు తెల్ల రంగు నుంచి పచ్చ రంగులోకి మారతాయి. వీటిని తిరిగి తెల్లగా మార్చేందుకు ఖరీదైన పేస్టులు, ట్రీట్‌మెంట్స్ చేయాల్సిన అవసరం లేదు. కొన్ని ఇంటి చిట్కాలు ఫాలో అవ్వొచ్చు. వీటి కారణంగా దంతాలు తెల్లగా మారతాయి. అలాంటి టిప్ గురించి తెలుసుకుందాం.

కావాల్సిన పదార్థాలు

రాళ్ల ఉప్పు - ఓ స్పూన్

లవంగాల పొడి - ఓ స్పూన్

దాల్చిన చెక్క పొడి - ఓ స్పూన్

ములేటి - ఓ స్పూన్

ఎండిన వేపాకులు - ఓ స్పూన్

ఎండిన పుదీనా ఆకులు - ఓ స్పూన్

దంతాలను తెల్లగా మార్చే టిప్స్

ఎలా ప్రిపేర్ చేయాలంటే

ముందుగా పదార్థాలన్నీ మిక్సీ జార్‌లో వేసి మెత్తని పొడిలా చేయండి. ఇది చాలా మెత్తగా ఉండాలి. దీనిని ఏయిర్‌టైట్ కంటెయినర్‌లో వేసి స్టోర్ చేసి రోజూ పళ్ళు తోమేందుకు వాడొచ్చు. దీనిలో వాడిన పదార్థాలన్నీ నేచురల్‌వే. వీటి వల్ల ఎలాంటి సైడ్ ఎఫెక్ట్స్ ఉండవు. పైగా అన్నీ కూడా దంతాలకు మేలు చేసేవే.

ఎలా వాడాలి

ఇప్పుడు తయారు చేసిన ఈ టూత్‌పౌడర్‌ని చేతిలో వేసుకుని బ్రష్‌తో అద్దుకుంటూ పళ్ళని తోమాలి. దీనిని వారం పాటు తోమితే పళ్ళలోని పచ్చదనం తగ్గి తెల్లగా మెరుస్తాయి. కారణం, ఈ పౌడర్‌లోని రాళ్ల ఉప్పు. ఇవి నేచురల్‌గా దంతాలకు తెల్లని రంగు ఇస్తుంది. ఇక ములేటి, వేపాకులు కూడా చిగుళ్ళ ఆరోగ్యానికి మేలు చేస్తాయి. ఇది సెన్సెటీవ్ దంతాలు ఉన్నవారికి కూడా మంచిది. ఇందులోని దాల్చిన చెక్క, లవంగాలు దంత ఆరోగ్యానికి చాలా మంచిది.

దంత ఆరోగ్యానికి తీసుకోవాల్సిన జాగ్రత్తలు

రెగ్యులర్‌గా డెంటల్ చెకప్ చేయించుకోవాలి.

రోజుకి రెండుసార్లైనా దంతాలని కచ్చితంగా తోముకోవాలి.

అదే విధంగా, ఎక్కువసేపు బ్రష్ చేయొద్దు. అలానే, హార్డ్ బ్రష్ వాడొద్దు. సాఫ్ట్ బ్రష్ వాడాలి. లేదా మీడియం బ్రష్ వాడొచ్చు. దీని వల్ల టూత్ ఎనామిల్ దెబ్బతినదు.

అదే విధంగా ఎప్పుడైనా దంతాలని నిలువుగా తోమాలి. పైనుంచి కిందికి కింద నుంచి పైకి తోమాలి. పక్కలకి కాదు. కానీ, చాలా మంది పళ్ళని అడ్డంగా తోముతుంటారు. దీని వల్ల దంతాలు డ్యామేజ్ అవుతుంటాయి.

దంతాలని శుభ్రం చేసేందుకు మీరు ఆటోమేటిక్ బ్రష్ వాడొచ్చు. దీని వల్ల డెంటల్ హైజీన్ మెంటెయిన్ అవుతుంది.