మ్యూచువల్ ఫండ్‌‌లో కొత్త రూల్స్.. ఇక 10 మంది.. మార్చి 1 నుంచి అమలులోకి..!

ఈక్విటీ మార్కెట్ల రెగ్యులేటరీ సంస్థ సెక్యూరిటీస్ అండ్ ఎక్స్చేంజ్ బోర్డ్ ఆఫ్ ఇండియా మరోసారి కీలక నిర్ణయం తీసుకుంది. మ్యూచువల్ ఫండ్స్, డీమ్యాట్ ఖాతాలకు సంబంధించి కొత్త రూల్స్ తీసుకొస్తోంది. ఈక్విటీ మార్కెట్లలో క్లెయిమ్ చేసుకోని అసెట్స్ తగ్గించడం, ఇన్వెస్టమెంట్ మేనేజ్మెంట్ మెరుగుపరిచడమే ప్రధాన లక్ష్యంగా నామినేషన్ రూల్స్‌లో కీలక మార్పులు చేసింది. ఇన్వెస్టర్లు తీవ్ర అనారోగ్యానికి గురవడం, అకాల మరణం చెందిన సమయాల్లో క్లెయిమ్ సెటిల్మెంట్ సులభతరం చేసేందుకు తగిన మార్పులు చేపట్టింది. అందుకు నామినీల సంఖ్యను భారీగా పెంచింది. ఇకపై మ్యూచువల్ ఫండ్స్ ఇన్వెస్టర్లు 10 మంది వరకు తమ ఖాతాలకు నామినీలుగా ఎంచుకోవచ్చు. ఈ కొత్త నిబంధనలు 2025, మార్చి 1 నుంచే అమలులోకి రానున్నాయి.

మ్యూచువల్ ఫండ్స్‌లో ఇన్వెస్ట్ చేసిన వారు అకాల మరణం చెందినప్పుడు వారి హోల్డింగ్స్ బదిలీ చేసేందుకు మరణ ధ్రువీకరణ డాక్యుమెంట్, నామినీ కేవైసీ, డ్యూ కంప్లీషన్ డాక్యుమెంట్స్ సమర్పించాలి. సెబీ కొత్త మార్గదర్శకాల ప్రకారం ఇన్వెస్టర్లు ఇకపై నామినీల సమగ్ర వివరాలను ఇవ్వాలి. నామినీ పాన్ కార్డు, డ్రైవింగ్ లైసెన్స్, ఆధార్ చివరి నాలుగు అంకెలు, నామినీతో రిలేషన్, కాంటాక్ట్ వంటి పూర్తి సమాచారం సమర్పించాల్సి ఉంటుంది. కొత్త రూల్స్ ప్రకారం 10 మంది వరకు నామినీలను చేర్చవచ్చు. దీంతో కుటుంబ సభ్యులు, సన్నిహితులకు అసెట్ అలకేషన్ అనేది స్పష్టంగా ఉంటుంది. ఒకవేళ ఇన్వెస్టర్ మరణించినప్పుడు ఒక నామినీ, ఇతర నామినీలతో జాయిండ్ హోల్డర్‌గా కొనసాగొచ్చు. లేదా తన వాటాతో మరో ఖాతాను ప్రారంభించవచ్చు.

ఇన్వెస్టర్లు ఆన్‌లైన్ లేదా ఆఫ్‌లైన ద్వారా నామినీ వివరాలు సమర్పించవచ్చు. ఇందుకు మ్యూచువల్ ఫండ్ హౌస్‌లు, డిపాజిటరీలు సదుపాయాలు కల్పించాలని సెబీ ఆదేశించింది. ఆన్‌లైన్ ద్వారా వివరాలు సమర్పించే వారు డిజిటల్ సిగ్నేచర్ సర్టిఫికేట్స్, ఆధార్ బేస్డ్ ఎలక్ట్రానిక్ సిగ్నేచర్ ఉపయోగించి నామినీ వివరాలు వ్యాలిడేట్ చేయాలి. నామినేషన్ సమర్పించి వ్యాలీడేట్ పూర్తయితే ఇన్వెస్టర్లకు సమాచారం అందుతుంది.

కొత్త మార్గదర్శకాల ప్రకారం ఇన్వెస్టర్ తన పోర్ట్ ఫోలియే నిర్వహించే సామర్థ్యం లేనప్పుడు నామినీల్లో ఒకరు ఆపరేట్ చేసేందుకు అవకాశం కల్పించారు. ఏయే నామినీకి ఎంత హోల్డింక్స్ చెందుతాయో పర్సెంటీజీ రూపంలో తెలియజేయాలి. అవసరమైతే వీటిని మార్చే అధికారం ప్రాథమిక నామినీకి ఇస్తారు. అయితే నామినికీ పోర్ట్ ఫోలియో ఆపరేట్ చేసే అధికారం ఇవ్వాల్సి వచ్చినప్పుడు.. అసెట్ మేనేజ్మెంట్ కంపెనీలు ముందుగా ఇన్వెస్టర్ ఆమోదం తీసుకోవాలి. ఒకవేళ ఫండ్స్ విత్ డ్రా చేస్తే ఇన్వెస్టర్ రిజిస్టర్డ్ బ్యాంక్ ఖాతాలోనే జమ చేయాలి.