టర్నీలోని స్కీయింగ్ రిసార్టులో ఘోర అగ్ని ప్రమాదం.. నిద్రలోనే 66 మంది మృతి!

టర్కీలోని ఓ స్కీయింగ్ రిసార్టులో మంగళవారం రోజు వేకువజామున 3.30 గంటలకు అగ్ని ప్రమాదం సంభవించింది. ముఖ్యంగా 12 అంతస్తులతో ఉన్న ఈ హోటల్లో మొత్తం 161 గదులు ఉండగా.. పెద్ద ఎత్తున ప్రజలు బస చేస్తున్నారు. వేసవి సెలవులు కావడంతో వారంతా విడిది కోసం ఇక్కడకు వచ్చారు. అయితే ఒక్కసారిగా అగ్ని ప్రమాదం సంభవించడంతో.. నిద్రలోనే 66 మంది ప్రాణాలు కోల్పోయారు. మొత్తంగా 50 మందికి పైగా గాయపడ్డారు. మరెంతో మంది ప్రజలు.. మంటలను గుర్తించి ప్రాణాలను రక్షించుకున్నారు. ఆ పూర్తి వివరాలు మీకోసం.

టర్కీలోని బోలో ప్రావిన్సులో ఉన్న గ్రాండ్ కర్తాల్ హోటల్ భవనంలో మొత్తం 12 అంతస్తులు ఉన్నాయి. అలాగే 61 గదులు ఉండగా.. అనేక మంది ఇక్కడికి వచ్చి బస చేస్తుంటారు. అసలే సెలవు రోజులు కావడంతో అనేక మంది హోటల్లో బసకు దిగారు. మొత్తంగా 234 మంది ప్రస్తుతం అక్కడ బస చేస్తుండగా.. మరెంతో మంది పని వాళ్లు అక్కడే ఉన్నారు. ఈక్రమంలోనే మంగళ వారం రోజు వేకువజామున 3.30 గంటలకు అగ్ని ప్రమాదం సంభవించింది. ఒక్కసారిగా పెద్ద ఎత్తున మంటలు చెలరేగాయి. అయితే చాలా మంది ఆ సమయంలో నిద్ర పోతుండగా.. అగ్ని ప్రమాదాన్ని గుర్తించలేకపోయారు. ఈక్రమంలోనే 66 మంది ప్రాణాలు కోల్పోయారు.

మిగతా వాళ్లంతా ఉవ్వెత్తున ఎగిసి పడుతున్న మంటలను గుర్తించి ప్రాణాలు కాపాడుకోవడానికి పరుగులు తీశారు. కానీ అప్పటికే పొగ ఎక్కువై ఏమీ కనిపించక నానా ఇబ్బందులు పడ్డారు. ఎలా బయట పడాలో తెలియక అటూ ఇటూ పరుగులు పెట్టారు. ఈక్రమంలోనే పలువురికి గాయాలు అయ్యాయి. కానీ హోటల్లో ఉన్న మరికొంత మంది హోటల్ గదుల్లో ఉన్న బెడ్ షీట్ల సాయంతో పైఅంతస్తుల నుంచి కిందకు దిగారు. ఈక్రమంలోనే 51 మంది గాయాల పాలయ్యారు. అయితే అగ్ని ప్రమాద విషయం తెలుసుకున్న స్థానిక పోలీసులు హుటాహుటిన సంఘటనా స్థలానికి చేరుకున్నారు. ముఖ్యంగా 30 అగ్ని మాపక యంత్రాలతో పాటు 28 అంబులెన్సులు ప్రమాదం జరిగిన చోటుకు రాగా.. అగ్నిమాపక సిబ్బంది వెంటనే మంటలు ఆర్పే పనిలో పడింది.

అలాగే పోలీసులు చనిపోయిన వారి మృతదేహాలను బయటకు తీసి పోస్టుమార్టం నిమిత్తం స్థానిక ప్రభుత్వాసుపత్రికి తరలించారు. ఆలోపే కొన్ని అంబులెన్సులో క్షతగాత్రులను స్థానిక ఆస్పత్రుల్లో తరలించారు. మృతుల సంఖ్య మరింత పెరిగే అవకాశం ఉన్నట్లు తెలుస్తోంది. టర్కీ దేశ రాజధాని ఇస్తాంబుల్‌కు 300 కిలో మీటర్ల దూరంలోనే ఉన్న ఈ చోట ప్రమాదం జరగడంతో.. దేశం అంతా ఒక్కసారిగా ఉలిక్కిపడింది. అయితే ప్రమాదానికి గల కారణాలు ఏంటో తెలుసుకునేందుకు అగ్ని మాపక సిబ్బంది సహా పోలీసులు పెద్ద ఎత్తున ప్రయత్నాలు చేస్తున్నారు.