ట్రెండింగ్
సైఫ్ అలీఖాన్‌పై అతని ఇంట్లో కత్తితో దాడి జరిగిన కేసులో ముంబై పోలీసులు ఓ మహిళను అరెస్ట్
national | Suryaa Desk | Published : Mon, Jan 27, 2025, 08:10 PM
బాలీవుడ్ నటుడు సైఫ్ అలీఖాన్‌పై అతని ఇంట్లో కత్తితో దాడి జరిగిన కేసులో ముంబై పోలీసులు ఓ మహిళను అరెస్ట్ చేశారు. పశ్చిమ బెంగాల్‌కు చెందిన మహిళను పోలీసులు అరెస్ట్ చేశారు. సైఫ్ అలీఖాన్‌పై దాడికి పాల్పడిన నిందితుడు వినియోగించిన సిమ్ కార్డు ఈ మహిళ పేరుతో ఉన్నట్లుగా పోలీసులు గుర్తించారు.నదియా జిల్లా చప్రాకు చెందిన మహిళగా గుర్తించామని పశ్చిమ బెంగాల్ పోలీసులు తెలిపారు. ఈ కేసులోని నిందితుడితో ఈమెకు పరిచయం ఉన్నట్లుగా గుర్తించినట్లు చెప్పారు. బంగ్లాదేశ్ నుంచి భారత్‌లోకి అక్రమంగా ప్రవేశించాడని, అప్పటి నుంచి మహిళతో టచ్‌లో ఉంటున్నాడని చెప్పారు. దర్యాఫ్తులో భాగంగా ముంబై నుంచి వచ్చిన పోలీసులు ఆమెను అరెస్ట్ చేశారని వెల్లడించారు.
|
|