ఏపీలో రేషన్‌కార్డులు ఉన్నవారు వెంటనే ఇలా చేయండి

ఆంధ్రప్రదేశ్‌లో రేషన్ కార్డులు ఉన్నవారికి ముఖ్యగమనిక.. రేషన్‌ కార్డుదారులకూ ఈకేవైసీ నమోదు తప్పనిసరి చేశారు. ఒకవేళ ఎవరైనా ఇప్పటికీ ఈకేవైసీ చేయించుకోకుంటే వచ్చే నెల నుంచి రేషన్‌ బియ్యం పొందేందుకు వీలు లేదని అధికారులు హెచ్చరిస్తున్నారు. ఎన్‌ఐసీ (జాతీయ సమాచార సంస్థ) ఆధ్వర్యంలో పౌర సరఫరాల శాఖ ద్వారా పంపిణీ చేసే వాటిలో పారదర్శకత కోసం సాఫ్ట్‌వేర్‌ను అప్డేట్ చేస్తున్నారు. గతంలో రేషన్‌ కార్డుదారులకు ఈకేవైసీ లేకపోయినా సరే సరకులు ఇచ్చే వారు. కానీ ఇకపై అలా కుదరదని.. ఈకేవైసీ నమోదు చేసుకున్నవారికే సరుకులు ఇస్తారు. ఈకేవైసీ నమోదు చేసుకోని వారంతా త్వరగా చేసుకోవాలని సూచిస్తున్నారు.

రాష్ట్రవ్యాప్తంగా పలు జిల్లాల్లో రే‌షన్‌కార్డులు ఉన్నవారు కొందరు ఈకేవైసీ చేయించుకోలేదని.. వారు వెంటనే నమోదు చేయించుకోకపోతే ఏప్రిల్‌లో బియ్యం ఇవ్వరు. అయితే ఇప్పటికే గ్రామ, వార్డు సచివాలయ సిబ్బంది వివిధ కార్యక్రమాల్లో భాగంగా ఇంటింటికి వెళ్లి ఈకేవైసీపీ చేస్తున్నారు. ఈ విషయాలను గమనించి నమోదు చేసుకోవాలంటున్నారు. రేషన్‌ కార్డుకు ఈకేవైసీ అనుసంధానం కాని వారి జాబితాలను సిద్ధం చేస్తున్నారు. డీలర్లకు వీరి సమాచారాన్ని అందజేస్తున్నారు. ఈ మేరకు రాష్ట్రవ్యాప్తంగా ఈకేవైసీ చేసుకోని వారు ఐదేళ్ల నుంచి 60 ఏళ్లలోపు వయసున్న వారు రేషన్ షాపులకు వెళ్లి ఈ-పోస్‌పై వేలిముద్ర వేస్తే.. డీలర్‌ లాగిన్‌లో ఈకేవైసీ పూర్తి చేసుకోవచ్చని సూచించారు. ఈ విషయాన్ని అందరూ గమనించాలని అధికారులు కోరారు.

ఏపీ మార్కెట్‌ ధరల పర్యవేక్షణ కోసోం ఏర్పాటైన మంత్రివర్గ ఉపసంఘం ధాన్యంపై రెండు శాతం ఉన్న మార్కెట్‌ రుసుమును ఒక శాతానికి తగ్గించేందుకు ప్రతిపాదనలు తయారు చేయాలని అధికారులను ఆదేశించింది. 'చిరుధాన్యాల ఉత్పత్తిని పెంచేందుకు చర్యలు తీసుకోవాలి.. ప్రస్తుతం 13 జిల్లాల్లో ధరల నివేదిక కేంద్రాలు ఉండగా.. వాటిని 26 జిల్లాల్లోనూ ప్రారంభించాలి' అని మంత్రులు తెలిపారు. 'నిత్యావసర వస్తువుల రవాణాలో ఇబ్బందులను పరిష్కరించాలి' అన్నారు. 'ధాన్యంలో తేమ 17 నుంచి 20 శాతం ఉన్నా కొనుగోలు చేసేలా చర్యలు తీసుకుంటాము' అన్నారు మంత్రి నాదెండ్ల మనోహర్‌.