ఎస్ఎంఎస్ ద్వారా సీబీఎస్‌ఈ 10, 12వ తరగతుల రిజల్ట్‌ చెక్‌ చేసుకోండిలా

సెంట్రల్ బోర్డ్ ఆఫ్ సెకండరీ ఎడ్యుకేషన్ (సీబీఎస్ఇ) బోర్డు 10వ తరగతి, 12వ తరగతి ఫలితాలను ఈ వారం చివర్లో ప్రకటించే అవకాశం ఉంది. ఫలితాలు విడుదలయ్యాక విద్యార్థులు తమ 10వ తరగతి, 12వ తరగతి ఫలితాలను అధికారిక వెబ్‌సైట్‌ల ద్వారా తెలుసుకోవచ్చు. మార్కుల కాపీని డౌన్‌లోడ్ చేసుకోవచ్చు. https://www.cbse.gov.in/ మరియు https://results.cbse.nic.in/ వెబ్‌సైట్ల ఫలితాలు చెక్‌ చేసుకోవడానికి ప్రధానమైనవి. విద్యార్థులు DigiLocker యాప్ ద్వారా కూడా తమ తాత్కాలిక మార్కుల షీట్లను పొందొచ్చు. ఈ ఏడాది 10వ తరగతి, 12వ తరగతి పరీక్షలకు సుమారు 42 లక్షలకు పైగా విద్యార్థులు సీబీఎస్ఇ బోర్డు పరీక్షలకు హాజరయ్యారు.

సీబీఎస్ఇ బోర్డు 10వ తరగతి, 12వ తరగతి ఫలితాలను ఇంటరాక్టివ్ వాయిస్ రెస్పాన్స్ సిస్టమ్ ( ద్వారా 24300699 నెంబర్‌కు కాల్ చేసి, మీ ఏరియా కోడ్‌ను అనుసరించడం ద్వారా యాక్సెస్ చేయవచ్చు. సీబీఎస్ఇ బోర్డు ఫలితాలు ప్రకటించిన తర్వాత రీవాల్యుయేషన్‌ను కోరుకునే లేదా వారి ఆన్సర్‌ షీట్‌ ఫోటోకాపీని పొందాలనుకునే విద్యార్థులు ఫీజు చెల్లించడం ద్వారా దరఖాస్తు చేసుకోవచ్చు. ఇది సాధారణంగా రూ.500 నుండి రూ.700 వరకు ఉంటుంది. సీబీఎస్ఇ  10వ తరగతి మరియు 12వ తరగతి పరీక్షలు 2025 ఫిబ్రవరి 15వ తేదీన ప్రారంభమయ్యాయి. 10వ తరగతి పరీక్షలు మార్చి 18వ తేదీన ముగియగా.. 12వ తరగతి పరీక్షలు ఏప్రిల్ 4వ తేదీతో ముగిశాయి.

 ఎస్‌ఎంఎస్‌ ద్వారా ఫలితాలు చెక్‌ చేసుకోవడం ఎలా?

సీబీఎస్‌ఈ విద్యార్థులు ఎస్‌ఎంఎస్‌ ద్వారా ఫలితాలు చెక్‌ చేసుకోవచ్చు. ఫలితాలు విడుదలయ్యాక విద్యార్థులు 10వ తరగతి విద్యార్థులు తమ ఫలితాలు చెక్‌ చేసుకోవడానికి సీబీఎస్‌ఈ 10వ తరగతి <రోల్‌ నెంబర్‌> <స్కూల్‌ కోడ్‌> <సెంటర్‌ నెంబర్‌> (సీబీఎస్‌ఈ 10) అని టైప్‌ చేసి 7738299899 నెంబర్‌కు ఎస్‌ఎంఎస్‌ పంపాలి. వెంటనే మీ రిజల్ట్‌ మరో ఎస్‌ఎంఎస్‌ రూపంలో వస్తుంది.

అలాగే.. 12వ తరగతి విద్యార్థులు తమ ఫలితాలు చెక్‌ చేసుకోవడానికి సీబీఎస్‌ఈ 12వ తరగతి <రోల్‌ నెంబర్‌> <స్కూల్‌ కోడ్‌> <సెంటర్‌ నెంబర్‌> (సీబీఎస్‌ఈ 12) అని టైప్‌ చేసి 7738299899 నెంబర్‌కు ఎస్‌ఎంఎస్‌ పంపాలి. వెంటనే మీ రిజల్ట్‌ మరో ఎస్‌ఎంఎస్‌ రూపంలో వస్తుంది. అలాగే.. డిజిలాకర్‌, ఉమాంగ్‌ వంటి యాప్‌లలో కూడా ఫలితాలు చెక్‌ చేసుకోవచ్చు.

అధికారిక వెబ్‌సైట్‌ ద్వారా ఫలితాలు ఇలా చెక్‌ చేసుకోవాలి :

తొలుత సీబీఎస్‌ఈ అధికారిక వెబ్‌సైట్‌ https://results.cbse.nic.in/ ఓపెన్‌ చేయాలి.

సీబీఎస్‌ఈ 10వ తరగతి, 12వ తరగతి ఫలితాలను ఎంచుకోవాలి.

విద్యార్థులు తమ రోల్‌ నంబర్‌, పుట్టిన తేదీ, అక్కడ కనిపించే సెక్యూరిటీ కోడ్‌ను ఎంటర్‌ చేసి ఫలితాలు పొందొచ్చు.

ఫలితాలకు సంబంధించిన కాపీని ప్రింట్‌ తీసి భవిష్యత్తు అవసరాల కోసం దాచుకోవాలి.