దళితులని అవమానించడం చంద్రబాబుకి అలవాటే
Andhra Pradesh Telugu | Suryaa Desk | Published : Fri, Jul 04, 2025, 07:06 PM
దళిత సమాజాన్ని కించపరుస్తూ అహంకారంతో పదేపదే మాట్లాడటం సీఎం చంద్రబాబుకు అలవాటుగా మారిందని మాజీ ఎమ్మెల్యే, వైయస్ఆర్సీపీ ఎస్సీ సెల్ అధ్యక్షుడు టీజేఆర్ సుధాకర్బాబు మండిపడ్డారు. తాడేపల్లి వైయస్ఆర్సీపీ కేంద్ర కార్యాలయంలో మీడియాతో మాట్లాడుతూ ఇటీవల మృతి చెందిన దళితుడు సింగయ్యకు కనీసం ఒక మనిషికి ఇచ్చే గౌరవం కూడా ఇవ్వకుండా 'కుక్క'తో పోలుస్తూ హీనంగా మాట్లాడిన చంద్రబాబుపై రాష్ట్ర వ్యాప్తంగా వైయస్ఆర్సీపీ ఎస్సీ సెల్ ఆధ్వర్యంలో పోలీస్ స్టేషన్లలో ఫిర్యాదులు చేస్తున్నామని వెల్లడించారు. వైయస్ జగన్ను ఉద్దేశించి నోరు పారేసుకున్న చంద్రబాబు మాటలను బట్టి గతంలో ఆయన వల్ల జరిగిన మరణాలకు గానూ ప్రజలు తనను కుక్కను కొట్టినట్లు కొట్టి ఉండేవారు కాదా అని అన్నారు. చంద్రబాబు ఉపయోగించే సంస్కారహీనమైన ఇటువంటి భాషను వైయస్ఆర్సీపీ శ్రేణులు మాట్లాడటానికి ఏ మాత్రం ఇష్టపడవని అన్నారు.
|
|