టీడీపీ కార్యాలయం నుండి వచ్చిందే సిట్ చార్జిషీట్ గా పొందుపరుస్తున్నాను
Andhra Pradesh Telugu | Suryaa Desk | Published : Wed, Jul 23, 2025, 11:21 AM
సిట్ చార్జిషీట్లోనూ ఎల్లో మీడియా బేతాళ కథలు అల్లిందని వైయస్ఆర్సీపీ లీగల్ సెల్ రాష్ట్ర అధ్యక్షుడు ఎం. మనోహర్రెడ్డి మండిపడ్డారు. టీడీపీ ఆఫీసు నుంచి వచ్చిన స్క్రిప్టు ఆధారంగా చార్జిషీట్ వేశారని, ఢిల్లీ న్యాయవాదుల సలహాలతో వాటికి తుదిమెరుగులు దిద్దారని ఆక్షేపించారు. తాడేపల్లిలో మనోహన్రెడ్డి మీడియాతో మాట్లాడుతూ.... రాజకీయ కుట్రతో టీడీపీ ప్రధాన కార్యాలయం నుంచి ఏ స్ర్రిప్టు వస్తే దాన్ని చార్జిషీట్ గా పొందుపరిచినట్టు దానికి ఢిల్లీలో న్యాయవాదులు తుది మెరుగులు దిద్దినట్టు స్పష్టంగా అర్థమైపోతోంది. చంద్రబాబు వీరవిధేయ సిట్ ఆధారాలు ఎక్కడా చూపించకుండానే లిక్కర్ కుంభకోణం విలువ రూ. 50 వేల కోట్ల నుంచి విడతల వారీగా తగ్గించుకుంటూ వచ్చి ఇప్పుడు రూ.3500 కోట్లకు చార్జిషీట్ లో పొందుపరిచారు. చార్జిషీట్ చూస్తే మోకాలికి బోడి గుండుకి లింకు పెట్టినట్టుగా ఉంది తప్ప ఎక్కడా దానికి ఆధారాలు లేవు. హైదరాబాద్లో రెండు కిమీల పరిధిలో ఉన్న కాల్ డేటాను తీసుకుని వీరంతా కలిసి సమావేశమై కుట్ర పన్ని కుంభకోణానికి పాల్పడ్డారని రాసుకొచ్చారు. దాన్ని ధృవీకరించేందుకు కొంతమందిని భయపెట్టి బెదిరించి కొట్టి తప్పుడు వాంగ్మూలాలు తీసుకున్నారు. గాలిని పోగేసి ఎల్లో మీడియా సృష్టించి రాసిన బేతాళ కథలే సాక్ష్యాలు అని దుయ్యబట్టారు.
|
|