ఇంట్లోని వారంతా ఒకే సబ్బుని వాడుతున్నారా

మన దగ్గర చాలా మంది ఇళ్లలో ఒకే సబ్బుని ఇంట్లో వారంతా వాడతారు. ఇది చాలా కామన్. అయితే పెరిగిన హైజీన్ వల్ల చాలా మంది విడివిడిగా సబ్బుని వాడడం వాడుతున్నారు. అయినప్పటికీ, కొంతమంది ఒకేసబ్బుని వాడుతున్నారు. దీని వల్ల చాలా సమస్యలొస్తాయి. 

ఇంట్లోని వారంతా ఒకే సబ్బుని వాడుతున్నారా, అలా చేస్తే ఎన్ని ప్రాబ్లమ్స్ వస్తాయో తెలుసా

ఒకే ఇంట్లోని వారంతా ఒకే సబ్బు వాడడం అనేది ఎప్పట్నుంచో ఫాలో అవుతున్న బేసిక్ థింగ్. ఇప్పుడంటే సెపరేట్ బాత్‌రూమ్స్, సపెరేట్ సిస్టమ్స్ వచ్చాయి. అయినప్పటికీ చాలా చోట్ల ఇంట్లోని వారంతా స్నానం చేయడానికి ఒకే సబ్బుని వాడుతుంటారు. దీని వల్ల సమస్యలు వస్తాయని చెబుతున్నారు ఎక్స్‌పర్ట్స్. ఇది మంచిది కాదని సూచిస్తున్నారు. అందరూ కలిసి ఒకే సబ్బు వాడడం వల్ల వచ్చే సమస్యలేంటి? అలా కాకుండా ఉండేందుకు ఏ జాగ్రత్తలు తీసుకోవాలో తెలుసుకోండి.

ఒకే సబ్బు వాడితే

స్నానానికి ఇదివరకటి రోజుల్లో అయితే సున్నిపిండి వంటివి వాడేవారు. కానీ, రోజులు మారాయి. సబ్బులొచ్చాయి. దీంతో సబ్బు తెచ్చి వాడడం మొదలుపెట్టారు. ఒక్క సబ్బు తీసుకొస్తే ఇంట్లోని వారంతా దాంతోనే స్నానం చేయడం ముఖం కడగడం వంటివి చేసేవారు. అయితే, ఈ అలవాటు వల్ల చర్మవ్యాధులు, బ్యాక్టీరియల్ ఇన్ఫెక్షన్స్ వచ్చే అవకాశం ఉందని చెబుతున్నారు ఎక్స్‌పర్ట్స్. అవేంటంటే

అందరికీ ఒకే సబ్బు సెట్ కాకపోవడం

అందరూ ఒకే ఇంట్లో వారైనా ఒక్కొక్కరి చర్మతత్వం ఒక్కోలా ఉంటుంది. దీంతో ఒకరి అవసరాలకి తగిన సబ్బు మరొకరికి సెట్ కాకపోవచ్చు. ఒకరిది డ్రై స్కిన్ అయి కాస్తా మాయిశ్చర్ సబ్బు వాడితే మరొకరిది ఆయిలీ స్కిన్ అయి మైల్డ్ సోప్ వాడతారు. ఇలాంటి సందర్భంలో అందరికీ ఒకే సబ్బు పడదు. అలా కాదని వాడితే స్కిన్ ప్రాబ్లమ్స్ వస్తాయి.

ఇమ్యూనిటీ తక్కువగా ఉన్నవారికి మరింత ప్రాబ్లమ్

ముందుగా చెప్పుకున్నట్లుగా అందరి శరీరతత్వం ఒకేలా ఉండదు. ముక్యంగా ఇమ్యూనిటీ తక్కువగా ఉండే చిన్నారులు, వృద్దులకి కూడా సమస్యలు త్వరగా వచ్చే అవకాశం ఉంటుంది. కాబట్టి, ఇలా ఎప్పుడు చేయొద్దు.

ఏదైనా ఇన్ఫెక్షన్స్ ఉంటే

ఇంట్లోని వారికి ఏదైనా ఇన్ఫెక్షన్ లేదా దెబ్బ తగిలి గాయమైనప్పుడు సబ్బు రాయడం అదే సబ్బుని అందరూ వాడడం వల్ల ఇతరులకి కూడా సమస్య వచ్చే అవకాశం ఉంది. ఎగ్జిమా వంటి చర్మ సంబంధిత సమస్యలు ఈజీగా ఒకరి నుంచి ఒకరికి సోకుతాయి. సబ్బుని వాడాక క్లీన్ చేయరు చాలా మంది. దీంతో అందులోని బ్యాక్టీరియా పెరిగి ఇతరులకి సమస్యలొచ్చే అవకాశం పెరుగుతుంది. సబ్బుని క్లీన్ చేసి ఆరాక వాడితే అంతగా సమస్య ఉండదు.

మరేం చేయాలంటే

సమస్యలు రాకుండా కొన్ని జాగ్రత్తలు తీసుకోవాలి. అవి

ప్రతీ ఒక్కరూ విడివిగా వారికంటూ ప్రత్యేకమైన సోప్ వాడాలి. సున్నిపిండివంటివి వాడడం మంచిది. లిక్విడ్ సోప్ వాడినా పెద్దగా ప్రాబ్లమ్ ఉండదు. తప్పనిసరి పరిస్థితిలో మరొకరు వాడిన సబ్బు వాడాల్సి వస్తే సబ్బు కడిగి పూర్తిగా ఆరాకే వాడడం మంచిది. ఇతరులు వాడిన సబ్బుని ప్రైవేట్ పార్ట్స్‌లో రాయడం మంచిది కాదు.