అమెరికా జైలులో ఆత్మహత్యకు పాల్పడిన తెలుగు యువకుడు

చిన్నారులపై లైంగిక దాడికి పాల్పడిన కేసులో దోషిగా నిర్దారణ అయిన తెలుగు యువకుడు .. అనూహ్యంగా బలవర్మరణానికి పాల్పడ్డాడు. చైల్డ్ పోర్నోగ్రఫీ, లైంగిక వేధింపుల కేసులో 35 ఏళ్లు జైలు శిక్ష పడిన తెలంగాణలోని జనగామ జిల్లాకు చెందిన సాయికుమార్ (31) జైలులోనే ఉరేసుకున్నారు. గత నెల 26న జరిగిన ఈ ఘటన ఆలస్యంగా వెలుగులోకి వచ్చిది. వివరాల్లోకి వెళ్తే. లింగాలఘణపురం మండలం నెల్లుట్లకు చెందిన కుర్రెముల ఉప్పలయ్య, శోభ దంతపుల కుమారుడు సాయికుమార్‌ ఉన్నత విద్య కోసం పదేళ్ల కిందట అమెరికాకు వెళ్లాడు, చదువు పూర్తయిన తర్వాత అక్కడే ఉద్యోగం చేస్తూ.. ఒక్లహామాలోని ఎడ్మండ్‌‌లో ఉంటున్నారు. అమెరికాలోనే ఉద్యోగం చేస్తోన్న తమ బంధువుల అమ్మాయించి ప్రేమించి రెండేళ్ల కిందట వివాహం చేసుకున్నాడు.

అయితే, మెసేజింగ్ యాప్ స్నాప్‌చాట్‌లో పదిహేనేళ్ల బాలుడిలా నటిస్తూ మైనర్లతో పరిచయం పెంచుకుని, లైంగిక వేధింపులకు పాల్పడినట్టు సాయికుమార్‌పై అభియోగాలు నమోదయ్యాయి. స్నాప్‌చాట్‌లో వీడియోలు షేర్‌ అవుతున్న అకౌండ్ ఐపీ అడ్రస్‌ ఆధారంగా సాయికుమార్‌ ను అరెస్టు చేశారు.కోవిద్-19 లాక్‌డౌన్‌ సమయంలో 18 మంది బాలికలతో చాటించ్‌ చేసి, మభ్యపెట్టి.. వారి నుంచి నగ్న వీడియోలు సేకరించినట్టు గుర్తించారు. తనతో లైంగిక సంబంధాలకు నిరాకరించిన బాలికలనన అశ్లీల ఫొటోలు, వీడియోలు బయటపెడతానని బెదిరింపులకు పాల్పడినట్టు నిర్దారించారు. అంతేకాదు, కుటుంబసభ్యులను చంపుతానని భయపెట్టినట్టు విచారణలో తేలింది. ఇలా ముగ్గురు బాలికపై అత్యాచారం చేసినట్టు రుజువులతో కోర్టులో పోలీసులు చార్జిషీట్‌ దాఖలు చేశారు.

విచారణలో తన నేరాలకు ఒప్పుకున్న సాయికుమార్‌.. తనకు తక్కువ శిక్షవేయాలని న్యాయమూర్తిని అభ్యర్థించారు. మైనర్లపై లైంగిక వేధింపులు, చైల్డ్‌ పోర్నోగ్రఫీని తీవ్రమైన నేరంగా పరిగణిస్తూ న్యాయమూర్తి చార్లెస్‌ గుడ్విన్‌.. సాయికుమార్‌కు 420 నెలల జైలుశిక్ష విధిస్తూ ఈ ఏడాది మార్చి 27న తీర్పు వెలువరించారు. ఈ తీర్పుతో మానసిక వేదనకు గురైన సాయికుమార్‌.. జులై 26న జైలులో ఉరివేసుకుని ఆత్మహత్య చేసుకున్నాడు. అతడి మృతదేహాన్ని స్వదేశానికి పంపేందుకు అమెరికా అధికారులు నిరాకరించడంతో తల్లిదండ్రులకు అక్కడకు వెళ్లి అంత్యక్రియలు పూర్తిచేసినట్టు తెలుస్తోంది.