ఈ వ్యాయమం చేస్తే చాలు డబుల్ చిన్ సమస్య దూరం

డబుల్ చిన్న సమస్య చాలా మందిని ఇబ్బంది పెడుతోంది. చిన్ వద్ద చర్మం వేలాడుతున్నట్టుగా కనిపించడం వల్ల ఏదో వెలితిగా అనిపిస్తుంది. ఫేస్ స్ట్రక్చర్ సరైన విధంగా లేదన్న ఫీలింగ్ వస్తుంది. కొన్ని సార్లు ఇది జెనెటిక్ గా వస్తుంది. మరి కొన్నిసార్లు ఫ్యాట్ ఎక్కువవడం వల్ల ఇలా జరుగుతుంది. కారణమేదైనా చాలా సులువుగా ఈ సమస్యను పరిష్కరించుకోవచ్చు. కేవలం 5 రకాల వ్యాయామాలు చేయడం ద్వారా డబుల్ చిన్ తగ్గుతుందని చెబుతున్నారు ఫిట్ నెస్ ఎక్స్ పర్ట్స్. ఈ వ్యాయామాలు చేసేందుకు పెద్దగా ఎక్విప్ మెంట్ అవసరం లేదు. సింపుల్ గా ఇంట్లోనే చేసుకోవచ్చు. పైగా వీటిని ఎక్కడైనా కూర్చుని ఎలాంటి ఇబ్బంది లేకుండా చేసుకోవచ్చు. వర్కౌట్స్ చేయడం ఇష్టం లేకపోతే ఇప్పుడు చెప్పే ఫేస్ ఎక్సర్ సైజ్ లు చేస్తూ డబుల్ చిన్ తగ్గించుకోవచ్చు.

చిన్ లిఫ్ట్స్ 

తప్పనిసరిగా చేయాల్సిన వ్యాయామాల్లో మొట్ట మొదటిది చిన్ లిఫ్ట్స్. ఈ ఎక్సర్ సైజ్ ఎలా చేయాలో తెలుసుకోండి. ముందుగా తలను వెనకవైపు వాల్చాలి. అంటే పూర్తిగా సీలింగ్ వైపు చూస్తూ ఉండాలి. ఆ తరవాత పెదాలను కాస్త ముందుకు కదపాలి. సీలింగ్ పైన కిస్ చేస్తున్నట్టుగా ఈ పొజిషన్ ఉండాలి. అలా కనీసం 5 సెకన్ల పాటు అలాగే ఉండాలి. తరవాత రిలాక్స్ అవ్వాలి. ఇలా కనీసం 15 సార్లు రోజూ రెండు లేదా మూడు పూటల పాటు చేస్తే క్రమంగా డబుల్ చిన్ తగ్గిపోతుంది. గదమ కింద వేలాడుతూ ఉన్న కొవ్వు అంతా కరిగిపోతుంది. దవడలతో పాటు మెడ కండరాలు సరైన విధంగా పని చేసేలా ఈ వ్యాయామం తోడ్పడుతుంది. చేసేటప్పుడు కాస్త సరదాగానే అనిపించినా రెగ్యులర్ గా ప్రాక్టీస్ చేస్తే తప్పకుండా డబుల్ చిన్ తగ్గుతుంది.

మరో వ్యాయామం

ఇక ఈ లిస్ట్ లో చెప్పుకోవాల్సిన రెండో వ్యాయామం జా క్లెంచెస్. అంటే దవడ కండరాలను కదిలించడం. ఇలా మూవ్ మెంట్ ఉంటే సులువుగా డబుల్ చిన్ తగ్గిపోయేందుకు అవకాశం ఉంటుంది. ఈ ఎక్సర్ సైజ్ చేయాలంటే ముందుగా నోరు మూసేసి దవడలను గట్టిగా మూసినట్టుగా పట్టి ఉంచాలి. కనీసం 5 సెకన్ల పాటు అదే పొజిషన్ లో ఉంచాలి. ఇలా కాసేపు చేయడం వల్ల చెవుల్లో దిబ్బడ పట్టినట్టుగా అవుతుంది. అయినా ఇలాగే కంటిన్యూ చేయాలి. కనీసం పది నుంచి 15 సార్లు చేస్తే సరిపోతుంది. మరీ నొప్పి వస్తున్నప్పుడు మధ్యలో రిలాక్స్ అయితే బెటర్. ఆ తరవాత మళ్లీ ఈ వ్యాయామాన్ని కంటిన్యూ చేయాలి. ఇలా చేయడం వల్ల దవడ కండరాలు బలంగా తయారవుతాయి. అదే సమయంలో మీ ఫేస్ మీరు కోరుకున్న షేప్ లోకి వస్తుంది. అయితే పంటి నొప్పి ఉన్న వారు మాత్రం ఈ వ్యాయామం చేయకపోవడమే మంచిది.

ఫిష్ ఫేస్

పేరులోనే ఉంది ఫిష్ ఫేస్ అని. అంటే..చేప ఎలా ఉంటుందో అలాగే పెదాలు, దవడలను ఉంచాలి. అయితే ఈ పొజిషన్ లో ఉన్నప్పుడు ఎంత రిలాక్స్ డ్ గా ఉంటే అంత మంచిది. పాజిటివ్ మూడ్ ఉన్నప్పుడు చేస్తే కండరాలు ఇంకాస్త ఎక్కువగా కదులుతాయి. ఇలా చేపలా పెదాలు, దడవను ఉంచిన తరవాత కనీసం పది సెకన్ల పాటు అదే పొజిషన్ లో ఉండాలి. కనీసం పదిసార్లు ఇదే వ్యాయామాన్ని రిపీట్ చేయాలి. ఇలా చేయడం వల్ల బుగ్గలతో పాటు దవడల కండరాలు కూడా బలంగా మారతాయి. గదమ కింద వేలాడుతున్న చర్మం క్రమంగా ఫ్లాట్ గా మారుతుంది. చేయడానికి ఇది కాస్త సరదాగా అనిపిస్తుంది. కానీ..రోజూ ప్రాక్టీస్ చేస్తే చర్మం ఆరోగ్యకరంగా ఉంటుంది. పైగా మిగతా వాటితో పోల్చి చూస్తే ఇది రెట్టింపు ప్రయోజనాలను ఇస్తుంది.

నెక్ కర్ల్ అప్స్

ఇక తప్పకుండా చేయాల్సిన మరో వ్యాయామం నెక్ కర్ల్ అప్స్. ఇది కూడా డబుల్ చిన్ ని తగ్గించడంలో ఎంతో తోడ్పడుతుంది. ఈ ఎక్సర్ సైజ్ చేయాలంటే ముందుగా శవాసన పొజిషన్ లో ఉండాలి. ఆ తరవాత నాలుకను నోటికి పైన గట్టిగా ఆనించి ఉంచాలి. నాలుకను అలాగే గట్టిగా ప్రెస్ చేయాలి. ఆ తరవాత గదమను పైకి లేపాలి. భుజాలు కదలకుండానే గదమని పైకి కదపాలి. ఇలా కనీసం పదిసార్లు చేయాలి. చేసిన ప్రతిసారీ పది సార్లు రిపీట్ చేయాలి. కనీసం రెండు లేదా మూడు సెట్స్ వరకూ చేస్తే మంచిది. ఈ వ్యాయామం చేయడం వల్ల గదమ కింద అదనంగా ఉండే చర్మం చాలా త్వరగా కరిగిపోతుంది. తద్వారా డబుల్ చిన్ తగ్గుతుంది. మిగతా రెండు వ్యాయామాలతో పోల్చి చూస్తే ఇది కాస్త టఫ్ గానే ఉంటుంది. అయినా బాగా పని చేస్తుంది.

టంగ్ ప్రెస్

ఇక ఈ లిస్ట్ లో చివరగా చెప్పుకునేది టంగ్ ప్రెస్ వ్యాయామం గురించే. ఈ వ్యాయామాన్ని కూర్చుని చేయాలి. అయితే..కూర్చున్నప్పుడు వెన్ను నిటారుగా ఉండేలా చూసుకోవాలి. నోరు మూసేసి నాలుకను నోటి పై భాగానికి గట్టిగా ప్రెస్ చేయాలి. అదే పొజిషన్ లో ఉంటూ డీప్ బ్రీథ్ తీసుకోవాలి. కనీసం 30 సెకన్ల పాటు అలాగే ఉండాలి. ఓ నిముషం పాటు చేస్తే ఇంకా మంచిది. ఇలా రెగ్యులర్ గా చేయడం వల్ల చిన్ కింద ఉండే కండరాలు దృఢంగా మారతాయి. డీప్ బ్రీథింగ్ చేస్తూ ఈ వ్యాయామం ప్రాక్టీస్ చేస్తే చర్మం కూడా ఆరోగ్యవంతంగా మారుతుంది. ​