గోళ్లు కొరకడం ఆరోగ్యానికి హాని! ఈ అలవాటును ఎలా మానుకోవాలి?

చిన్న పిల్లల నుంచి పెద్దల వరకు చాలా మందిలో గోళ్లు కొరకడం ఒక సాధారణ అలవాటుగా కనిపిస్తుంది. అయితే, ఈ అలవాటు కేవలం అందంను దెబ్బతీయడమే కాక, ఆరోగ్యానికి కూడా తీవ్రమైన హాని కలిగిస్తుందని నిపుణులు హెచ్చరిస్తున్నారు. గోళ్లు కొరకడం వల్ల శరీరంలోకి సూక్ష్మ క్రిములు, బ్యాక్టీరియా చేరే అవకాశం ఉంది, ఇవి జీర్ణ సమస్యల నుంచి తీవ్రమైన ఇన్ఫెక్షన్ల వరకు కారణమవుతాయి. ఈ అలవాటును అరికట్టడం ద్వారా మీ ఆరోగ్యాన్ని మీరు కాపాడుకోవచ్చు.
గోళ్ల కింద సేకరించే ధూళి, సూక్ష్మ క్రిములు లేదా బ్యాక్టీరియా మనం గమనించకుండానే శరీరంలోకి చేరతాయి. గోళ్లు కొరికినప్పుడు ఈ హానికరమైన క్రిములు నోటి ద్వారా జీర్ణవ్యవస్థలోకి ప్రవేశించి, కడుపు నొప్పి, విరేచనాలు, లేదా ఇతర సమస్యలకు దారితీస్తాయి. దీనితో పాటు, గోళ్లు కొరకడం వల్ల గోళ్ల చుట్టూ ఉన్న చర్మం దెబ్బతిని, బాక్టీరియల్ లేదా ఫంగల్ ఇన్ఫెక్షన్లు వచ్చే ప్రమాదం కూడా ఉంది.
ఈ అలవాటును నియంత్రించడానికి సులభమైన మార్గం గోళ్లను ఎప్పటికప్పుడు కత్తిరించడం. గోళ్లు చిన్నగా ఉంటే కొరకడానికి అవకాశం తక్కువగా ఉంటుంది. అలాగే, గోళ్లను శుభ్రంగా ఉంచుకోవడం, నీటితో తరచూ కడగడం వల్ల బ్యాక్టీరియా పేరుకుపోకుండా చూసుకోవచ్చు. పిల్లలకు ఈ అలవాటును మాన్పించడానికి వారిని ఆటలు, కథలు లాంటి కార్యకలాపాల్లో నిమగ్నం చేయడం కూడా సహాయపడుతుంది.
గోళ్లు కొరకడం కేవలం శారీరక ఆరోగ్యానికి మాత్రమే కాక, మానసిక ఒత్తిడి లేదా ఆందోళనకు కూడా సంబంధించిన అలవాటు కావచ్చు. ఒత్తిడిని తగ్గించే వ్యాయామాలు, ధ్యానం లేదా ఇతర ఆరోగ్యకరమైన కార్యకలాపాల ద్వారా ఈ అలవాటును మానుకోవచ్చు. గోళ్లను కత్తిరించడం, శుభ్రంగా ఉంచడంతో పాటు, ఈ అలవాటు మానడానికి సానుకూల దృక్పథం కూడా ముఖ్యం. ఈ చిన్న మార్పులతో మీరు ఆరోగ్యవంతమైన జీవనశైలిని అలవర్చుకోవచ్చు.