Asia Cup 2025: బంగ్లాదేశ్ కెప్టెన్ వివరణ – బౌలింగ్ ఎందుకు ప్రాధాన్యం ఇచ్చానంటే?

ఆసియా కప్ 2025 టోర్నీలో భాగంగా శ్రీలంకతో జరుగుతున్న తొలి సూపర్ 4 మ్యాచ్‌లో బంగ్లాదేశ్ టాస్ గెలిచి బౌలింగ్ ఎంపిక చేసింది. ఈ టోర్నీలో ఛేజింగ్ జట్లు ఎక్కువగా విజయాలు సాధించాయని, అందుకే ఈ నిర్ణయం తీసుకున్నామని బంగ్లాదేశ్ కెప్టెన్ లిటన్ దాస్ పేర్కొన్నారు.“మేము ముందుగా బౌలింగ్ చేయాలని నిర్ణయించుకున్నాము. ఈ టోర్నీ తొలి దశలో రెండో బ్యాటింగ్ చేసిన జట్లే విజయాన్ని సాధించాయి. అంతేకాకుండా, పిచ్ పరిస్థితులు ఎలా ఉంటాయో మాకు పూర్తిగా తెలియదు. ఈ మ్యాచ్ ఆడటానికి మేమంతా ఉత్సాహంగా ఉన్నాం. తుది జట్టులో రెండు మార్పులు చేయడం జరిగింది. సోహన్, రిషాద్ ఈసారి జట్టులో లేరన్నారు,” అని లిటన్ చెప్పారు.ఇంకో వైపు, టాస్ గెలిస్తే బౌలింగ్ ఎంచుకుంటామని శ్రీలంక కెప్టెన్ చరిత్ అసలంక చెప్పారు. “ఇది ఇప్పటికే ఉపయోగించిన పిచ్ కావడంతో, ముందుగా బౌలింగ్ చేయడం మంచిదనే అభిప్రాయం. 2021 నుండి చాలా యువ ఆటగాళ్లు జట్టులో చేరారు మరియు అవర్ పరిణతి చెందుతుందని భావిస్తున్నాం. మేము ఎలాంటి మార్పులు చేయలేదు, విజయం సాధించిన కాంబినేషన్‌తోనే ఆడతాం” అని చరిత్ అన్నారు.
*తుది జట్లు:
-శ్రీలంక:పాతుమ్ నిస్సంక, కుసల్ మెండిస్ (వికెట్ కీపర్), కమీల్ మిశారా, కుసల్ పెరీరా, చరిత్ అసలంక (కెప్టెన్), దసున్ షనక, కమీందు మెండిస్, వనిందు హసరంగ, దునిత్ వెల్లాలగే, దుష్మంత చమీర, నువాన్ తుషార.
-బంగ్లాదేశ్:సైఫ్ హసన్, తంజీద్ హసన్, తమీమ్, లిటన్ దాస్ (వికెట్ కీపర్/కెప్టెన్), తౌహిద్ హృదయ్, షమీమ్ హుస్సేన్, జాకర్ అలీ, మహేది హసన్, నసుమ్ అహ్మద్, తస్కిన్ అహ్మద్, షోరిఫుల్ ఇస్లామ్, ముస్తఫిజుర్ రహమాన్.