బరువు తగ్గాలనుకుంటున్నారా,,,ఇలా చేస్తే కచ్చితంగా రిజల్ట్

బ్యాక్ టూ బ్యాక్ పండుగలు వస్తున్నాయి. ఈ టైమ్‌లో చాలా వరకూ స్వీట్స్, స్పెషల్ ఐటెమ్స్ తింటాం. కంట్రల్ లేని డైట్ కారణంగా కిలోల కొద్దీ బరువు పెరుగుతారు. దీంతో రోజంతా అలసటగా ఉంటాం. పండుగల్ని కూడా ఎంజాయ్ చేయలేం. అలాంటివారు, సరిగ్గా ఎలా ప్లాన్ చేస్తే వారాల వ్యవధుల్లోనే బరువు తగ్గొచ్చో చెబుతున్నారు ఫిట్‌నెస్ కోచ్ నేహా పరిహార్. ఆమె ప్రకారం, రోజువారీ డైట్‌లో నుండి కొన్ని పదార్థాలను అవాయిడ్ చేయాలి. దీంతో మన మొత్తం బరువులో తేడా కొట్టొచ్చినట్టుగా కనబడుతుంది. రాబోయే రోజుల్లో ఎలా అయినా బరువు తగ్గి ఫెస్టివల్ వైబ్స్ అంటూ మీ ఫిట్‌గా మారిన పిక్‌ని కూడా సోషల్ మీడియాలో షేర్ చేసుకోవాలంటే కొన్ని టిప్స్ ఫాలో అవ్వాల్సిందే. దీంతో బరువు తగ్గడమే కాకుండా చాలా సమస్యలు కూడా దూరమవుతారు. అవేంటో తెలుసుకోండి.

ఉప్పు తగ్గించడం

ఉప్పు లేనిదే కూరలు, వంటకాలు రుచిగా అనిపించవు. ఇది నిజమే. కానీ, తినే మోతాదులోనే తినాలి. మనం అలా కాకుండా రోజులో కావాల్సినంత ఉప్పు కాకుండా ఎక్కువ పరిమాణంలో తింటున్నాం. కావాలంటే ఓ 3 రోజులు ఉప్పుని తగ్గించి తీసుకోండి. మీ బెల్లి తగ్గడాన్ని మీరే మీ కళ్ళారా చూస్తారు. దీనికి కారనం మీ బాడీలో నీరు నిలిచిపోవడం తగ్గుతుంది. బరువు తగ్గినట్లుగా తెలుస్తుంది. కేవలం మూడు రోజులు తగ్గిస్తేనే తేడా అంతలా కనిపిస్తే రెగ్యులర్‌గా తగ్గిస్తే ఎంతలా బరువు తగ్గుతారో తెలుసుకోండి. దీనికోసం కేవలం ఉప్పు తగ్గిస్తే సరిపోదు. ప్రాసెస్డ్ ఫుడ్స్ కూడా తగ్గించాలి. ఉప్పు రుచిని పొందేందుకు మీరు ఒరిగానో, నిమ్మరసం ఇతర మసాలాలని వాడొచ్చు. దీంతో చాలా వరకూ సోడియాన్ని తగ్గించినవారవుతారు. బరువు కూడా కంట్రోల్‌లో ఉంటుంది.

ఫర్మెంటెడ్ ఫుడ్స్

ఫెర్మెంటెడ్ ఫుడ్స్ తీసుకోవడం కూడా చాలా ముఖ్యం. దీని వల్ల జీర్ణ ఆరోగ్యం మెరుగవుతుంది. సాధారణంగా మనం ఏం తీసుకున్నా కూడా సరిగ్గా జీర్ణమైతే కొవ్వు పేరుకుపోదు. జీర్ణమవ్వకపోవడం వల్ల బెల్లీ పెరుగుతుంది. దీని వల్ల బాడీలో హెల్దీ మైక్రోబయోమ్ పెరుగుతుంది. కడుపు నిండినట్లుగా ఉంటుంది. మెటబాలిజం కూడా పెరుగుతుంది. దీనికోసం పెరుగు, ఇడ్లీ, దోశ వంటివి కూడా తీసుకోవాలి. మజ్జిగ, అంబలి కూడా మన బాడీలో మంచి బ్యాక్టీరియాని పెంచడమే కాకుండా జీర్ణ సమస్యల్ని దూరం చేస్తాయి. ఏం తిన్నా సరిగ్గా జీర్ణమవుతుంది.

బిస్కెట్స్‌కి దూరంగా

సాయంత్రం కాగానే చాలా మంది టీ తాగుతారు. అది సరే, అందులో బిస్కెట్స్ ఉండాల్సిందే. లేకపోతే వారికి టీ తాగినట్లుగానే ఉండదు. కానీ, ఈ అలవాటుని చాలా వరకూ దూరం చేసుకోవాలి. ఎందుకంటే బిస్కెట్స్‌లో ఎక్కువగా పంచదార, అన్‌హెల్దీ ఫ్యాట్, రిఫైండ్ ఫ్లోర్ వంటివి ఉంటాయి. వీటిని తీసుకోవడం వల్ల మనకి తెలియకుండానే బరువు పెరుగుతారు. ఈ బిస్కెట్స్‌లో ఏ మాత్రం ఫైబర్, ముఖ్య పోషకాలు ఉండవు. దీంతో గట్ హెల్త్ పాడవ్వడమే కాదు, అనవసరమైన క్రేవింగ్స్ ఉంటాయి. వీటన్నింటి కారణంగా బరువు పెరుగుతారు. కాబట్టి, అలా కాకుండా హెల్దీ స్నాక్స్ తీసుకోండి. అంతేకానీ, బిస్కెట్స్ వంటి వాటిని ఎక్కువగా తీసుకోవద్దు.

పడుకునే ముందు

చాలా మందికి నేడు సోషల్ మీడియానే లోకం అయిపోయింది. ఆఫీస్ పనులు, ఇంటిపనులతో ఏ టైమ్‌లో అయినా ఫోన్ చూసినా చూడకపోయినా రాత్రి మాత్రం నిద్రని త్యాగం చేసి మరీ ఫోన్ వాడతారు. కానీ, దీని వల్ల నిద్ర దూరమవ్వడమే కాదు. హార్మోన్ల లోపం పెరిగి బెల్లీ ఫ్యాట్ పెరుగుతుంది. ఎప్పుడైనా గుర్తుంచుకోవాల్సింది. మంచి నిద్ర ఉంటేనే వెయిట్ కంట్రోల్ అవుతారు. కాబట్టి, ముందుగా మంచి నిద్ర ఉండేలా చూసుకోండి.

బరువు తగ్గేందుకు కోచ్ చెప్పిన టిప్స్

బెనిఫిట్స్

ఈ టిప్స్ మొత్తం ఫాలో అయితే బరువు మాత్రమే తగ్గడం కాదు. ఉబ్బరం, జీర్ణ సమస్యలు తగ్గుతాయి. హాయిగా అన్నం, పప్పు, తాజా ఆహారం తింటూనే బరువు తగ్గొచ్చు. ఈ టిప్స్ ఫాలో అయి బరువు తగ్గడమే కాకుండా ఫిట్‌గా మారి హ్యాపీగా మీకు నచ్చిన బట్టలు వేసుకోవచ్చు. ఇవన్నీ చూడ్డానికి చాలా చిన్నగానే కనిపించినా మంచి ఎఫెక్టివ్‌గా పనిచేస్తాయి. బరువు తగ్గించడంలో. కాబట్టి, కచ్చితంగా బరువు తగ్గడానికి వీటిని ఫాలో అవ్వండి.