విజయవాడ ఇంద్రకీలాద్రి హుండీ ఆదాయం చరిత్ర సృష్టించింది!
Bhakthi | Suryaa Desk | Published : Tue, Oct 07, 2025, 08:59 PM
విజయవాడ ఇంద్రకీలాద్రిపై కనకదుర్గమ్మ vari 2025 దసరా నవరాత్రి ఉత్సవాలు ఘనంగా ముగిసిన విషయం తెలిసిందే. ఈ ఉత్సవాల సందర్భంగా భక్తులు భారీగా తరలివచ్చారు. తాజాగా నిర్వహించిన హుండీ లెక్కింపులో రికార్డు స్థాయిలో ఆదాయం నమోదైంది.ఈ ఏడాది నవరాత్రుల 11 రోజుల హుండీ లెక్కింపులో అమ్మవారి హుండీ ఆదాయం రూ.10.30 కోట్లకు మించి నమోదైంది. ఇది గతేడాది 2024లో వచ్చిన రూ.9.32 కోట్లతో పోలిస్తే దాదాపు రూ.1 కోట్ల పెరుగుదలకు సూచకంగా ఉంది.ఇంద్రకీలాద్రి దేవస్థానం అధికారులు రెండు రోజులపాటు హుండీ లెక్కింపు కార్యక్రమాన్ని నిర్వహించారు. ఈ సందర్భంగా మొత్తం 106 సంచులు, 480 హుండీలు తెరిచి లెక్కించారు.
-మొదటి రోజు హుండీలలో రూ.3.57 కోట్లు లెక్కగా వచ్చాయి.
-రెండవ రోజు రూ.6.73 కోట్లు లెక్కించబడ్డాయి.
అదనంగా, 387 గ్రాముల బంగారం, 19 కేజీల 450 గ్రాముల వెండి, మరియు పలు దేశాలకు చెందిన విదేశీ కరెన్సీ కూడా హుండీలలో లభ్యమయ్యాయి.ఈసారి భక్తుల విరాళాలు గత సంవత్సరాలతో పోల్చితే అభూతపూర్వంగా పెరగడం, అమ్మవారి పట్ల వారి భక్తి, విశ్వాసాన్ని ప్రతిబింబిస్తోంది. ఫలితంగా, ఈసారి ఇంద్రకీలాద్రి హుండీ ఆదాయం చరిత్రలోనే అత్యధికంగా నమోదైందని అధికారులు తెలిపారు.
|
|