IBomma Ravi: ఐబొమ్మ రవి విచారణ రెండో రోజు – కరేబియన్ దీవుల్లో ఆఫీస్!
national | Suryaa Desk | Published : Fri, Nov 21, 2025, 10:44 PM
పైరసీ సైట్ ‘ఐబొమ్మ’ కేసులో ఇమంది రవికి కోర్టు రోజుల పాటు పోలీసు కస్టడీ విధించిన విషయం తెలిసిందే. నేడు, విచారణ రెండో రోజు ముగిసింది. సైబర్ క్రైమ్ పోలీసులు అతడిని సుమారు 5–6 గంటల పాటు ప్రశ్నించారు.రెండో రోజు విచారణలో కొన్ని కీలక విషయాలు వెలుగులోకి వచ్చాయి. ఐబొమ్మ రవి సినిమాలను సరఫరా చేసిన వారి వివరాలను పోలీసులు సేకరించారు. రవి తమిళ, హిందీ వెబ్సైట్స్ ద్వారా సినిమాలను కొనుగోలు చేసినట్లు గుర్తించారు. ముఖ్యంగా, ‘మూవీ రూల్స్’ అనే వెబ్సైట్ నుండి పెద్ద ఎత్తున సినిమాలను రవి పొందినట్లు పోలీసులు తెలిపారు.అదేవిధంగా, క్రిప్టో కరెన్సీ ద్వారా రవి ‘మూవీ రూల్స్’కి డబ్బులు పంపినట్లు కూడా పోలీసులు గుర్తించారు. ఐబొమ్మ వెబ్సైట్ను రవి బెట్టింగ్ యాప్స్ కోసం గేట్వేగా ఉపయోగిస్తున్నాడు. బెట్టింగ్ యాప్స్ ద్వారా వచ్చిన డబ్బుతో సినిమాలను కొనుగోలు చేస్తున్నాడు. వెబ్సైట్లో వ్యూయర్స్ సంఖ్య పెంచడానికి క్వాలిటీ కంటెంట్ను అతను పోస్ట్ చేస్తున్నాడు.ఇక, రవి కరేబియన్ దీవుల్లో ప్రత్యేక ఆఫీసును ఏర్పాటు చేశాడు. అక్కడ 20 మంది యువకులను నియమించి ఐబొమ్మ వెబ్సైట్లో కంటెంట్ను అప్లోడ్ చేయించుతున్నాడు. రేపు కూడా రవిని పోలీసులు విచారించనున్నారు, మరియు మరిన్ని కొత్త విషయాలు బయటకు వచ్చే అవకాశం ఉంది.
|
|