దగ్గు, జలుబు, కఫం 3 సమస్యలకి ఒకే ఒక్క చిట్కా

జలుబు, దగ్గు, కఫం వంటివి ఉంటే చాలా ఇబ్బందిగా ఉంటుంది. దీంతోపాటు బాడీ పెయిన్స్, అలసట, నీరసం ఇలా ఎన్నో ఇబ్బందులు కూడా ఉంటాయి. ప్రాబ్లమ్‌ని నేచురల్‌గా తగ్గించుకునేందుకు కొన్ని ఇంట్లోని పదార్థాలు హెల్ప్ చేస్తాయి. రామ తులసి, మిరియాలు, శొంఠి, పటికబెల్లం వంటి పదార్థాలని వాడి సమస్యని దూరం చేసుకోవచ్చు. వీటిని వాడడం వల్ల ఎలాంటి సైడ్ ఎఫెక్ట్స్ ఉండవు. పైగా సమస్య చాలా వరకూ తగ్గుతుంది. రోజుకి 3 సార్ల చొప్పున తీసుకుంటే చాలా వరకూ తగ్గుతుంది. ఇందులో భాగంగానే రామతులసిని ఎలా వాడాలో ఆయుర్వేద డాక్టర్ రవివర్మ చెబుతున్నారు. అవేంటో తెలుసుకోండి.

కావాల్సిన పదార్థాలు

రామ తులసి పొడి 50 గ్రాములు

మిరియాల పొడి 10 గ్రాములు

​శొంఠి పొడి 10 గ్రాములు​

పటికబెల్లం 30 గ్రాములు

ఎలా వాడాలి?

పొడులన్నింటినీ కలిపి గ్లాస్ జార్‌లో వేసి కలపాలి. ఈ పొడి మనకి సంవత్సరం పాటు నిల్వ ఉంటుంది. దగ్గు, జలుబు, కఫం మూడింటికి ఈ పొడి బాగా పనిచేస్తుంది. విడివిడిగా ఉన్నా మూడింటిలో ఏదో ఒక సమస్య ఉన్నా ఈ పొడి బాగా పనిచేస్తుంది. ఓ కప్పు గోరువెచ్చని నీటిలో పొడి వేసి కలిపి గోరువెచ్చగా ఉన్నప్పుడే తాగాలి. ఇది టీలా తాగాలి.

ఎవరికీ ఎంత మోతాదులో

ఇది అందరికీ ఒకే మోతాదులో తీసుకోవడం మంచిది కాదు. చిన్నపిల్లలకి చిటికెడు పరిమాణంలోనే ఇవ్వాలి. పెద్దవారికి పావు టీస్పూన్ పరిమాణంలో తీసుకోవాలి. ఎక్కువ పరిమాణంలో తీసుకోవద్దు. పిల్లలకి, పెద్దలు సరైన మోతాదులో తీసుకోవాలి. ఎక్కువగా వద్దు. తక్కువగా వద్దు. ఎక్కువగా తిన్నా, తక్కువగా తీసుకున్నా మంచిది కాదు.

రోజుకి ఎన్నిసార్లు

ఇలా తయారైన పొడిని రోజుకి 3 నుంచి 5 సార్ల చొప్పున తీసుకోవాలి. పిల్లలకి 3 సార్లకంటే తక్కువగానే ఇవ్వండి. ఇలా వారికి ఇస్తే చాలా వరకూ మనకి దగ్గు, జలుబు, కఫం వంటివన్నీ తగ్గుతాయి. కాబట్టి, పిల్లలకి చూసి ఇవ్వాలి. ఎక్కువ మోతాదులో తీసుకుంటే వేడి చేస్తుంది. కాబట్టి, పరిమాణం ముఖ్యం.

జలుబు, దగ్గుని తగ్గించే టిప్స్

వీటితో పాటు

అదే విధంగా, గోరువెచ్చని నీరు తాగాలి.

పిల్లలకి చలిగాలి తగలకుండా చూడాలి.

స్వెటర్స్, సాక్స్‌లు వేసుకునేలా చూడండి.

వీలైనంత వరకూ ఆవిరి పట్టండి.

చాక్లెట్స్, పెరుగు, తీపి పదార్థాలు, ఐస్‌క్రీమ్స్ వంటివి ఎక్కువగా తీసుకోనివ్వకుండా చూడండి.