పిత్తాశయంలో రాళ్లు ఉంటే కనిపించే లక్షణాలు ఇవే

పిత్తాశయం అనేది కాలేయం వెనుక భాగంలో ఉన్న ఒక సంచి లాంటి నిర్మాణం. ఇది జీర్ణ ప్రక్రియను మెరుగుపరుస్తుంది. కాలేయం ద్వారా స్రవించే పిత్త ఎంజైమ్‌లు పిత్తాశయంలో నిల్వ చేయబడతాయి. ఒక వ్యక్తి తినేటప్పుడు, పిత్తాశయం ఆహారాన్ని లాగి చిన్న పేగు పైభాగానికి పంపుతుంది. ఈ ప్రక్రియను డ్యూడెనమ్ అని పిలుస్తారు. ఇది జీర్ణ ప్రక్రియను ప్రారంభిస్తుంది.

అయితే, ఏది పడితే అది తినడం, చెడు జీవనశైలి కారణంగా పిత్తాశయంలో రాళ్లు ఏర్పడుతున్నాయి. ఈ పరిస్థితి పురుషుల కంటే మహిళల్లో ఎక్కువగా కనిపిస్తుంది. జీర్ణ రసాలు ఎక్కువసేపు పిత్తాశయంలో ఉండటం, సమయానికి తినకపోవడం, కొలెస్ట్రాల్ కరగకపోవడం వల్ల రాళ్లు వస్తాయని నిపుణులు చెబుతున్నారు. ఈ కారణాల వల్ల పిత్తాశయం సంకోచించకుండా ఆగిపోతుంది. జీర్ణ రసాలు క్రమంగా రాళ్లుగా అభివృద్ధి చెందుతాయి.

కొన్ని సందర్భాల్లో ఇన్ఫెక్షన్ జీర్ణ రసాలు చిక్కగా, పిత్తాశయ రాళ్ళుగా ఏర్పడటానికి కారణమవుతుంది. అయితే, పిత్తాశయ రాళ్ళకి ఊబకాయం, మధుమేహం, అధిక రక్తపోటు, హైపర్ కొలెస్టెరోలేమియా వంటి జీవనశైలి సంబంధిత వ్యాధుల మధ్య బలమైన సంబంధం ఉంది. ఈ పరిస్థితుల్ని నిర్లక్ష్యం చేయడం వల్ల కొన్ని సార్లు క్యాన్సర్ వంటి తీవ్రమైన పరిస్థితులు తలెత్తవచ్చు. అందుకే లక్షణాల్ని ముందుగానే గుర్తించాలి. పిత్తాశయంలో రాళ్లు ఉంటే ఎలాంటి లక్షణాలు కనిపిస్తాయో డాక్టర్ ప్రదీప్ చౌబే చెప్పారు. ఆ పూర్తి వివరాలు తెలుసుకుందాం.

 పిత్తాశయంలో రాళ్ళు ఎందుకు ఏర్పడతాయి?

మాయో క్లినిక్ ప్రకారం, పిత్తాశయంలో తగినంత పిత్తం ఉంటుంది. దానితో పాటు కొలెస్ట్రాల్‌ను కరిగించి విసర్జించే రసాయనాలు కూడా ఉంటాయి. అయితే, కొన్నిసార్లు, చాలా ఎక్కువ కొలెస్ట్రాల్ పిత్తం ద్వారా విసర్జించబడుతుంది. ఈ పరిస్థితిలో, అదనపు కొలెస్ట్రాల్ స్పటికాలుగా మారి చివరికి రాళ్లుగా మారుతుంది. ఇలాంటి పరిస్థితుల్లో పిత్తాశయం పూర్తిగా పిత్తాన్ని ఖాళీ చేయలేకపోతుంది. ఈ పిత్తం ఘనీభవించి రాళ్లుగా మారుతుంది.​

పిత్తాశయంలో రాళ్ళు ఉంటే ఎలాంటి లక్షణాలు కనపిస్తాయి?

పిత్తాశయ రాళ్ల లక్షణాలు వ్యక్తి నుంచి వ్యక్తికి మారవచ్చు. కొంతమందికి పొట్ట పై భాగంలో నొప్పి వస్తుంది. ఇది గ్యాస్ అనుకోని చాలా మంది నిర్లక్ష్యం చేస్తారు. దీంతో పాటు ఇంకొన్ని లక్షణాలు కనిపిస్తాయి. అవి ఏంటంటే..

వాంతులు, వికారం

ఆకలి లేకపోవడం

గ్యాస్ ఏర్పడటం, ఎసిడిటీ

ఉదరం పైభాగంలో కుడివైపున భరించలేని నొప్పి

ఈ లక్షణాలు కనిపిస్తే అలర్ట్ అవ్వండి

​తీవ్రమైన ఇన్ఫెక్షన్: పిత్తాశయం యొక్క మార్గం లేదా ప్రవేశద్వారంలో రాళ్ళు ఇరుక్కుపోయినప్పుడు, మూత్రాశయం ఇన్ఫెక్షన్‌కు గురవుతుంది. రోగి కడుపులో తీవ్రమైన నొప్పిని అనుభవిస్తాడు.

కామెర్లు: కొన్నిసార్లు చిన్న రాళ్ళు మూత్రాశయం నుంచి వెళ్లి జీర్ణ రసాల ప్రవాహాన్ని అడ్డుకుంటాయి. ఈ జీర్ణ రసాలు కాలేయంలో పేరుకుపోతాయి. దీని ఫలితంగా ఆకలి లేకపోవడం, జ్వరం, శరీరం నొప్పులు, కాలేయ నొప్పి వస్తుంది. ఈ పరిస్థితిని అబ్స్ట్రక్టివ్ జాండిస్ లేదా రాళ్ల వల్ల కలిగే కామెర్లు అంటారు. ఈ పరిస్థితి సాధారణ కామెర్లు కంటే భిన్నంగా ఉంటుంది.

ప్యాంక్రియాటైటిస్: ప్యాంక్రియాటిక్ నాళం, పిత్తాశయ నాళం ఒక సాధారణ ద్వారం ద్వారా పేగులో కలుస్తాయి. ఒక రాయి దీనిని అడ్డుకుంటే, ప్యాంక్రియాటిక్ జీర్ణ రసాలు పేగులోకి చేరలేవు. ఇది ప్యాంక్రియాస్ వాపుకు కారణమవుతుంది. ఈ పరిస్థితి చాలా ప్రమాదకరమైంది.

పిత్తాశయంలో రాళ్ళు ఏర్పడటానికి కారణాలు

గర్భనిరోధక మందులు తీసుకునే మహిళల్లో రాళ్ల సమస్య ఎక్కువగా కనిపిస్తుంది.

జంక్ ఫుడ్ ఎక్కువగా తీసుకునే వారికి కూడా ఈ సమస్య రావచ్చు.

మధుమేహ వ్యాధిగ్రస్తులు ఈ సమస్యతో బాధపడవచ్చు.

పిత్తాశయ ఇన్ఫెక్షన్లు లేదా కాలేయ సిర్రోసిస్ ఉన్నవారికి కూడా రాళ్ళు ఏర్పడవచ్చు

అవయవ మార్పిడి చేయించుకున్న వ్యక్తులు కూడా ఈ సమస్యకు గురవుతారు.

అధిక బరువు ఉన్నవారికి కూడా ఈ సమస్య రావచ్చు.

చక్కెర ఎక్కువగా తినే వ్యక్తులు ఈ సమస్యతో బాధపడవచ్చు. ఎందుకంటే షుగరీ ఫుడ్స్‌లో శుద్ధి చేసిన కార్బోహైడ్రేట్లు పుష్కలంగా ఉంటాయి. ఇది కొలెస్ట్రాల్‌గా చిక్కగా చేస్తుంది. దీంతో పిత్తాశయంలో రాళ్లు ఏర్పడతాయి.

ఎలా నివారించాలి?

కాఫీ, టీ, సిగరెట్లు, ఆల్కహాల్ తీసుకోవడం మానేయాలి. లేదంటే పరిమితం చేయాలి.

ఉదయం ఖాళీ కడుపులో గోరువెచ్చని నీటిలో నిమ్మరసం కలిపి తాగాలి.

విటమిన్ సి ఎక్కువగా తీసుకోవడం వల్ల రోగనిరోధక శక్తి బలపడుతుంది. కొలెస్ట్రాల్ పిత్తంగా మారుతుంది.

ఆకుపచ్చ కూరగాయలు, తాజా పండ్లు పుష్కలంగా తినండి. ఇది కొలెస్ట్రాల్‌ని తగ్గించడంలో సాయపడుతుంది. ఇది ప్రోటీన్‌ను అందిస్తుంది.

వేయించిన, కారంగా ఉండే ఆహారాలకు దూరంగా ఉండండి.

రోజూ గోరువెచ్చని పాలలో చెంచా పసుపు కలిపి తాగండి.

రెడ్ మీట్‌కి దూరంగా ఉండటం చాలా మంచిది.

డైయిరీ ప్రొడక్ట్స్‌ను పరిమితంగా తీసుకోండి. వీటిని ఎక్కువగా తీసుకుంటే రాళ్ల ప్రమాదాన్ని పెంచుతుంది.

యోగా, వ్యాయామం రెగ్యులర్‌గా చేయండి. ధనురాసనం, శలభాసనం, సర్వాంగాసనం ప్రయోజనకరంగా ఉంటాయి. రోజూ ముప్పై నిమిషాల నడక ఆరోగ్యానికి చాలా మేలు చేస్తుంది.