ఎప్పటికీ యవ్వనంగా కనిపించేలా చేసే ఫుడ్స్

ఎప్పుడైనా సరే మనకి బాడీలోపలి నుంచి పోషణ అందితే బాడీ, స్కిన్ కూడా బయటి నుంచి అందంగా మారుతుంది. దానికోసం సరైన కేర్ తీసుకోవడంతో పాటు డైట్ కూడా తీసుకోవాలి. అప్పుడే బాడీ, స్కిన్ లోపలి నుంచి అందంగా, ఆరోగ్యంగా కనిపిస్తుంది. ముఖ్యంగా, మన డైట్‌లో కొన్ని సూపర్ ఫుడ్స్‌ని చేర్చుకుంటే అవి మన స్కిన్‌ని అందంగా మెరిపించేలా చేస్తాయని చెబుతున్నారు డాక్టర్ శ్రీకరి. వాటిని తీసుకోవడం వల్ల ముడతలు తగ్గి మీరు 10 ఏళ్ళు చిన్నవారిలా కనిపిస్తారని సూచిస్తున్నారు. ఆ ఫుడ్స్ ఏంటంటే

ఉసిరితో స్కిన్‌కి మెరుపు

​ఉసిరికాయలు మనకి సీజన్‌లో దొరుకుతాయి. కానీ, వీటిని మనం అన్‌సీజన్‌కి కూడా ఉపయోగపడేలా ప్రిజర్వ్ చేసి పెట్టుకోవచ్చు. వీటిని మనం తీసుకోవడం వల్ల కొల్లాజెన్ అందుతుంది. దీంతో స్కిన్ సాగిపోకుండా, ముడతలు పడకుండా ఉంటుంది. గ్లోయింగ్‌గా మెరుస్తుంది.

దానిమ్మపండ్లు కూడా

దానిమ్మగింజలు కూడా స్కిన్‌కి చాలా మంచివి. వీటిలో ఎక్కువగా యాంటీ ఆక్సిడెంట్స్ ఉంటాయి. ఇవన్నీ కూడా స్కిన్ ప్రాబ్లమ్స్‌ని రిపేర్ చేస్తాయి. దీంతో స్కిన్ ప్రాబ్లమ్స్ చాలావరకూ తగ్గుతాయి. స్కిన్ కూడా అందంగా మచ్చలు లేకుండా మెరుస్తుంది. యవ్వనంగా కనిపించడానికి దానిమ్మ గింజలు కూడా హెల్ప్ చేస్తాయి. వీటిని నేరుగానైనా తినొచ్చు. లేదా పెరుగన్నం, సలాడ్స్‌ ఇలా ఎలా అయినా తినొచ్చు. వీటిని తినడం వల్ల స్కిన్‌కి చాలా మంచిది.

వాల్‌నట్స్‌తో స్కిన్‌కి మెరుపు

నట్స్‌లో స్కిన్‌కి మేలు చేసే నట్ వాల్‌నట్. ఇందులో విటమిన్ ఈ, ఒమేగా 3 ఫ్యాటీ యాసిడ్స్ ఎక్కువగా ఉంటాయి. వీటిని రోజుకి 2 తింటే చాలు స్కిన్‌కి గుడ్ ఫ్యాట్స్ అందుతాయి. దీంతో స్కిన్ యవ్వనంగా అందంగా మారుతుంది. కాబట్టి, ఎలాంటి ఎఫర్ట్స్ లేకుండానే స్కిన్‌ని మెరిపించుకోవాలనుకునేవారు రోజూ 2 వాల్‌నట్స్ తినడం మంచిది.

బాదంతో అందం

బాదం కూడా స్కిన్‌ని అందంగా చేయడంలో హెల్ప్ చేస్తుంది. నట్స్‌లో వాల్‌నట్స్ తర్వాత స్కిన్‌కి మేలు చేసే మరో నట్ బాదం. రోజూ 4, 5 తింటే మంచిది. ఇందులోని విటమిన్ ఈ స్కిన్‌ని డ్రై కాకుండా చేస్తుంది. షైనీగా మారుస్తుంది. వీటిని నానబెట్టుకుని తినడం మంచిది. దీంతో స్కిన్‌ మెరుస్తూ కనిపిస్తుంది.

స్కిన్‌ని మెరిపించే ఫుడ్స్

చేపలు కూడా స్కిన్‌కి మంచివే

చర్మాన్ని మెరిపించడంలో చేపలు కూడా ముందుంటాయి. మీరు నాన్‌వెజ్ తినేవారైతే వారంలో ఓ సారైనా చేపల్ని తింటే గుండెకి మంచిది. స్కిన్‌కి కూడా మంచిది. చేపల్లో కొల్లాజెన్, ఒమేగా 3 ఫ్యాటీ యాసిడ్స్ ఉంటాయి. ఇవి గుండెకి మేలు చేసి కొలెస్ట్రాల్‌ని తగ్గిస్తాయి. వీటిని తీసుకోవడం వల్ల చాలా వరకూ స్కిన్‌ని లోపలి నుంచి అందంగా, గ్లోయింగ్‌గా కనిపించేలా చేస్తాయి.