తగ్గేదె లే అంటున్న పుజారా... మూడో శతకాన్ని ఖాతాలో
sports | Suryaa Desk | Published : Wed, Aug 24, 2022, 12:35 PM
టీమిండియా టెస్టు స్పెషలిస్ట్ బ్యాట్స్మెన్ చటేశ్వర్ పుజారా దుమ్ము రేపుతున్నాడు. జిడ్డు బ్యాటింగ్ కు కేరాఫ్ అడ్రస్ గా నిలిచే పుజారా.. ఇంగ్లండ్ గడ్డపై విధ్వంసకర బ్యాటింగ్ తో చెలరేగుతున్నాడు. టెస్టు ఫార్మాట్ లోనే కాకుండా పరిమిత ఓవర్ల క్రికెట్ లోనూ ఆడే సత్తా తనకు ఉందని చాటి చెబుతున్నాడు. రాయల్ లండన్ వన్డే కప్లో ససెక్స్ క్రికెట్ క్లబ్కు ప్రాతినిధ్యం వహిస్తున్న పుజారా అద్భుతమైన బ్యాటింగ్తో ఆకట్టుకుంటున్నాడు. ఈ టోర్నీలో ఇప్పటికే రెండు సెంచరీలు సాధించిన పుజారా.. తాజాగా మూడో సెంచరీ సాధించాడు. మంగళవారం మిడిల్సెక్స్ జట్టుతో జరిగిన మ్యాచ్లో పుజారా 20 ఫోర్లు, 2 సిక్సర్లు బాదాడు. 75 బంతుల్లో సెంచరీ మార్క్ను అందుకున్నాడు. ఓవరాల్ గా 90 బంతుల్లో 132 పరుగులు చేశాడు. పుజారా విధ్వంసకర బ్యాటింగ్తో ససెక్స్ జట్టు నిర్ణీత 50 ఓవర్లలో 4 వికెట్లకు 400 పరుగుల భారీ స్కోరు సాధించింది.
|
|