గుర్తు తెలియని వాహనం ఢీకొని వ్యక్తికి తీవ్ర గాయాలు
Andhra Pradesh Telugu | Suryaa Desk | Published : Sat, Sep 03, 2022, 05:52 PM
రోజువారి పనుల నిమిత్తం తమ ద్విచక్ర వాహనంపై పనికి వెళుతున్న క్రమంలో గుర్తు తెలియని వాహనం ఢీకొని ఓ వ్యక్తి తీవ్ర గాయాలు పాలైన సంఘటన శృంగవరపుకోట నియోజకవర్గంలో శనివారం చోటు చేసుకుంది. ఇందుకు సంబంధించి స్థానికులు అందించిన వివరాలు ప్రకారం. పెందుర్తి నుండి కొత్తవలస మండలం మింది గ్రామానికి పని నిమిత్తం తమ ద్విచక్ర వాహనంపై ఇద్దరు వ్యక్తులు వెళ్తున్న నేపథ్యంలో కొత్తవలస మండలం స్థానిక దేశపాత్రునిపాలెం గ్రామ సమీపంలో ఓ గుర్తు తెలియని వాహనం ఢీ కొట్టింది.
దీంతో ద్విచక్ర వాహనంపై ప్రయాణిస్తున్న ఇద్దరు వ్యక్తులు రోడ్డు ప్రమాదానికి గురయ్యారు. దీంతో ద్విచక్ర వాహనంపై ప్రయాణిస్తున్న ఓ వ్యక్తికి తీవ్ర గాయాలు కావడంతో గమనించిన స్థానికులు క్షతగాత్రుడిని విశాఖపట్నం కెజిహెచ్ ఆసుపత్రికి తరలించారు. సమాచారం అందుకున్న కొత్తవలస పోలీసులు సంఘటనా స్థలానికి చేరుకుని పరిస్థితిని పరిశీలించి కేసు నమోదు చేసుకుని దర్యాప్తు చేస్తున్నారు.
|
|