ట్రెండింగ్
పాముకాటుకి వ్యక్తి మృతి
Andhra Pradesh Telugu | Suryaa Desk | Published : Wed, Sep 07, 2022, 03:54 PM
పాముకాటుకు గురై వ్యక్తి మృతి చెందిన సంఘటన బుధవారం ఉదయం చోటుచేసుకుంది. పార్వతీపురం మన్యం జిల్లా ఆసుపత్రి ఔట్ పోస్టు పోలీసులు తెలిపిన వివరాలు ఇలా ఉన్నాయి. గరుగుబిల్లి మండలం కమటాన చిరంజీవి (36) పొలంలో గుండ జల్లుతుండగా గుర్తుతెలియని విషపు పాము కాటు వేసింది.
పామును చేతితో లాగి విసిరివేసి ఇంటికి నడుచుకుంటూ వచ్చి విషయాన్ని కుటుంబీకులకు తెలియపరిచాడు. వెంటనే అప్రమత్తమై 108 ద్వారా పార్వతీపురం మన్యం జిల్లా ఆసుపత్రికి తరలించారు. వైద్యులు పరీక్ష చేసి అప్పటికే మృతి చెందినట్లు నిర్ధారించి మృతదేహాన్ని పోస్టుమార్టం నిమిత్తం మార్చురీకి తరలించారు. ఔట్ పోస్టు పోలీసులు వివరాలు నమోదు చేసినట్లు గరుగుబిల్లి స్టేషన్ పోలీసులు కేసు దర్యాప్తు చేస్తున్నట్లు తెలిపారు.
|
|